Qarapaıym adamdardyń adal eńbegi men jetistigin dáriptegen shara Shıeli aýdanynan bastaý alyp, Syrdarııa aýdanynda túıindeldi.
Ár aýdannan alýan túrli mamandyq ıeleri qatysyp, 12 qatysýshy úzdik dep tanyldy. Qorytyndy is-sharada oblystyq mádenıet, arhıvter jáne qujattama basqarmasynyń basshysy Mıra Qazbekova arý-analardy merekemen quttyqtap, jyly lebizin arnady. Júzden júırik shyqqan úzdik 12 qatysýshyǵa oblys ákiminiń orynbasary Shahmardan Baımanovtyń alǵys haty tabystaldy.
Festıvaldi qorytyndylaǵan keshte Qazaqstannyń Eńbek Eri Abzal Erálıev pen úsh dúrkin «Altyn dombyra» ıegeri Muhtar Nııazov áıel zatynyń qoǵamdaǵy róli týrasynda áńgimeledi. Uıymdastyrýshylardyń aıtýynsha festıval jyl saıyn jalǵasyp, dástúrli is-sharaǵa aınalady.
