Foto: ontustiktv.kz
Túzetýde zańsyz sý alý, sý obektilerinde, sý qorǵaý aımaqtary men beldeýlerinde qurylys salý, sýdy paıdalaný sharttary men rejımin buzý, sý obektileriniń arnalary men shekaralaryn ózgertý jáne basqa da zań buzýshylyqtar úshin jaýapkershilikti kúsheıtý kózdelgen.
Zańǵa gıdrotehnıkalyq qurylysjaılardyń qatty tozýynan bolýy yqtımal avarııalardy ýaqtyly anyqtaý jáne joıýǵa baǵyttalǵan túzetýler de engizildi. Iаǵnı, osyndaı qurylysjaılarǵa tehnıkalyq zerttep-qaraý júrgizbegeni nemese durys júrgizbegeni úshin, sondaı-aq olardy qaýipsizdik deklarasııasynsyz paıdalanǵany úshin jaýapkershilik qarastyrylady.
Eki Kodekste jer asty sýlary resýrstaryn retteý jáne paıdalaný týraly birkelki termınologııa qoldanýǵa qatysty da túzetýler usynyldy. Mysaly, Kaspıı teńiziniń qazaqstandyq sektorynda kómirsýtekterdi barlaý jáne óndirý jónindegi operasııalardy júrgizýge salynǵan tyıymdy alyp tastaý; Aral óńiriniń erekshe ekologııalyq mártebesin eskere otyryp, Aral teńizi sheginde jer qoınaýyn paıdalaný jónindegi operasııalardy júrgizýge tyıym salynady.
Depýtattar túzetýlerdi qaraý barysynda jerasty sýlaryn basqarýǵa qatysty memlekettik organdar arasyndaǵy ókilettikterdiń ara-jigin ajyratý boıynsha Úkimet engizgen qosymsha túzetýlerdi qoldady. Atap aıtqanda, Memleket basshysynyń Ulttyq gıdrogeologııalyq qyzmetti qaıta qurý týraly tapsyrmalaryn iske asyrý úshin qaraýsyz qalǵan, ózdiginen tógiletin avarııalyq gıdrogeologııalyq uńǵymalardy joıý men konservasııalaý jáne jerasty sýlaryn izdeý jumystaryn júrgizý jónindegi fýnksııalar Sý resýrstary jáne ırrıgasııa mınıstrliginiń qaramaǵyna berildi.
