Foto: olympic.kz
Qazaqstan quramasynyń bas bapkeri Eldos Saıdalınniń tańdaýy myna bylǵary qolǵap sheberlerine tústi: 48 kg – Nazym Qyzaıbaı, 50 kg – Alýa Balqybekova, 52 kg – Anıta Ádisheva, 54 kg – Jaına Shekerbekova, 57 kg – Karına Ibragımova, 60 kg – Vıktorııa Grafeeva, 63 kg – Aıda Ábikeeva, 66 kg – Jasmın Qızatova, 70 kg – Natalıa Bogdanova, 75 kg – Nadejda Rıabes, 81 kg – Gúlsaıa Erjan jáne +81 kg – Eldana Tálipova.
Esimderi atalǵan burymdyldardyń deni talaı dúrmekte ysylǵan saqa sportshylar. Máselen, Nazym Qyzaıbaıdyń eki dúrkin álem chempıony jáne Parıj Olımpıadasynyń qola júldegeri degen ataǵy bar. Osydan tórt jyl buryn ol Dýbaıdaǵy Azııa birinshiliginde daralandy. Jasy 31-den assa da Nazym áli de babynda.
Ár jyldary Jaına Shekerbekova, Karına Ibragımova jáne Nadejda Rıabes Olımpııa oıyndarynda qatysty. Tórtjyldyqtyń basty dodasynda olardyń baǵy janbaǵanymen, álem jáne qurlyq chempıonattarynda san márte jeńis tuǵyryna kóterildi. Alýa Balqybekova dúnıejúzilik dodada birneshe ret júldegerler qatarynan kórinip, eki ret Azııada altynnan alqa taqty. Sol sekildi basqa da jerlesterimizdiń baǵyndyrǵan belesteri bir tóbe.
