Foto: Úkimettiń baspasóz qyzmeti
Qanat Bozymbaev IKAO-ǵa Qazaqstanmen yntymaqtastyq máseleleri boıynsha turaqty qoldaý kórsetkeni úshin rızashylyǵyn bildirdi. Sondaı-aq táýelsiz sarapshy Tormodýr Tormodssondy Azerbaijan Airlines ushaǵy apatqa ushyraǵan jerge ýaqtyly jibergeni úshin alǵysyn aıtty.
«Bizge kórsetken turaqty qoldaýyńyzǵa, sonyń ishinde bastamalarymyzdy qoldaǵanyńyz úshin Úkimet atynan shyn júrekten alǵysymdy bildiremin. Osy tergeýdi tolyq aıaqtaý maqsatynda biz IKAO-men ózara is-qımyldy jalǵastyramyz», dedi Qanat Bozymbaev.
Vıse-premer ushaq apatynyń alǵashqy kúnderinen bastap Qazaqstannyń obektıvti jáne jan-jaqty tergeý júrgizýge basymdyq bergenin atap ótti.
О́z kezeginde Nıkolıa Rallo Qazaqstannyń qysqa merzim ishinde daıyndaǵan jáne jarııalaǵan «Azerbaijan Airlines» áýe kompanııasynyń ushaǵynyń apaty týraly aldyn ala esebin joǵary baǵalady.
«Apattan keıin 1,5 aıǵa jetpes ýaqyt ishinde aldyn ala qorytyndyny aıaqtaýǵa qol jetkizgen Qazaqstan men tergeý komıssııasynyń jumysyn atap ótkim keledi. Men sizdi tergeý barysynda Halyqaralyq azamattyq avıasııa týraly konvensııany tolyq oryndaýdy jalǵastyrýǵa shaqyramyn», dedi Nıkolıa Rallo.
Aıta keteıik, Aqtaýdaǵy ushaq apatyn tergeý boıynsha qorytyndy esep Chıkago konvensııasyna sáıkes osy jyldyń sońyna deıin jarııalanady.
