Sýretti túsirgen – Erlan OMAR, «EQ»
«QazIndustry» Jeńil ónerkásip, aǵash óńdeý, jıhaz ónerkásibin jáne qurylys materıaldary óndirisin damytý dıreksııasynyń habarlaýynsha, saladaǵy óndiris kóleminiń ósýi qurylys jumysynyń 18,5%-ǵa artýymen baılanysty.
«Buǵan belgili dárejede ınvestısııa da yqpal etti. О́tken jyly turǵyn úı qurylysyna 3 542,5 mlrd teńge ınvestısııa baǵyttalyp, 2023 jylmen salystyrǵanda 14,7%-ǵa joǵary bolǵan. О́ndiristiń eń úlken kólemi Astana qalasyna (jalpy óndiristiń 13,5%-y), Qaraǵandy oblysyna (9,3%), Almaty oblysyna (9,1%) tıesili boldy», dep habarlaıdy «QazIndustry».
О́ndirilgen qurylys materıaldaryn ózge elderge satýdan túsken tabys kólemi – 276,3 mln dollar. 2023 jylmen salystyrǵanda 11,8%-ǵa ósý bar. Negizinen shet memleketterge otqa tózimdi sement, portlandsement, armatýra, keramıkalyq oqshaýlaǵysh buıymdar, keramıkalyq plıtkalar eksportqa shyǵarylady.
Importtyq kórsetkish te eksporttan qalyspaı ósip jatyr. Jyl boıyna 1 300,2 mln dollardyń taýary satyp alynǵan. 2023 jylmen salystyrǵanda syrttan satyp alý 8,8%-ǵa kóbeıgen. Elimiz ásirese, syrtqy naryqtan keletin sementten jasalǵan buıymdarǵa, shlak pen mıneraldy sılıkatty maqtaǵa muqtaj.
Qurylys salasyndaǵy negizgi kapıtalǵa salynǵan ınvestısııa kólemi – 180 mlrd teńge. 2024 jyly Almaty oblysynda jylý oqshaýlaǵysh materıaldar shyǵaratyn «TehnoNıkol-Kazahstan» JShS zaýyty, Jambyl oblysynda sement óndiretin «Korcem» JShS zaýyty, Shymkentte keramıkalyq plıtkalar shyǵaratyn «Wang Sheng Ceramic» JShS zaýyty, basqa da jobalar iske qosyldy. Bul otandyq qurylys materıaldarynyń óndirisin damytýǵa eleýli serpilis beredi.
