- Úsh kúnde 30-dan astam qarý jasyrylǵan jer anyqtalyp, 360 túrli atys qarý, 12 granat jáne 3 myńnan astam oq-dári tárkilendi. Sonymen qatar buryn urlanǵan 7 qarý anyqtaldy, onyń tórteýi qańtar oqıǵasy kezinde urlanǵan. Buryn joǵalǵan 6 qarý tárkilenip, 14 qarýdy adamdar ózderi erikti túrde tapsyrdy, - dedi IIM krımınaldyq polısııa departamentiniń bastyǵy Qanat Nurmaǵambetov.
«Qarý» jedel-profılaktıkalyq is-sharasy barysynda atys qarýyn zańsyz saqtaý jáne alyp júrýdiń 120 deregi anyqtalyp, 200 adam ákimshilik jaýapkershilikke tartyldy.
Ishki ister mınıstrligi azamattarǵa qarýdy kez kelgen ýaqytta erikti túrde tapsyrý múmkindigi bar ekenin jáne bul úshin eshqandaı quqyqtyq saldar bolmaıtynyn eske salady.
