Áýe tasymalynyń baspasóz qyzmeti ushaqty qozǵaltqyshtaǵy aqaýǵa baılanysty áýejaıǵa qaıta qonǵanyn rastady.
Áleýmettik jelide Air Astana-nyń Aqtaýdan ushqan ushaǵynyń 20 mınýttan keıin "qozǵaltqyshy isten shyqty" degen aqparat paıda boldy.
“Kabınadaǵy elektr jaryǵy óship, sumdyq gýil men kúıik ıisi shyqty. Bort serikter aıtarlyqtaı qobaljydy, ary-beri júgirip júrdi. Biraq adamdar sabyr saqtap, tynysh otyrdy. Bir-birine qarap, ne bolyp jatqanyn túsinbedi”, – dep jazdy jeli qoldanýshysy.
Onyń sózinshe, ekıpaj komandıri qozǵaltqyshtyń isten shyqqanyn jáne Aqtaýǵa qaıta qonatynyn habarlaǵan.
“Ushaq kúrt tómendep dirildeı bastady. Jyldamdyq pen bıiktik tómendedi. Alaıda biz áýejaıdan alys edik. Birde syqyrlaǵan dybys shyqty. Biri duǵa oqydy, endi biri jaman oıdan arylýdy oılap jaı ǵana otyrdy. Jerge qonǵanda otyrǵandar kózine jas alyp, jeńildendi”, – delingen jazbada.
Air Astana áýe kompanııasynyń málimetinshe, 2025 jyly 8 naýryz kúni Aqtaý-Almaty baǵytynda ushqan KS 868 reısi ushyp, áýejaıǵa qaıta oraldy.
“Ekıpaj №1 qozǵaltqyshtaǵy maı deńgeıiniń tómendigi týraly tehnıkalyq eskertýge qalypty prosedýralarǵa sáıkes qozǵaltqyshty óshirip, jaýap berdi. Ushaq Aqtaýǵa qaýipsiz qondy. Jolaýshylar rezervtik ushaqpen kompanııalar tobyna jetkizildi”, – delingen habarlamada.
