Oblystyq densaýlyq saqtaý basqarmasy basshysynyń mindetin atqarýshy Erik Musabaevtyń aıtýynsha, Jambyl oblysynda júrek-qan tamyrlary aýrýlary boıynsha jyl ishinde 88066 adam tekserýden ótken. Olardyń 8,21 paıyzy nemese 7404 adamnan aýrý anyqtalyp, dıspanserlik esepke qoıylǵan.
«Budan bólek, qant dıabeti boıynsha da 88 myńnan astam tekserildi. Olardyń 1,20 paıyzy nemese 1081 adamnyń dertti ekeni belgili bolyp, esepke alyndy. Al glaýkomaǵa tekserýden ótken azamattardyń 173-i dertke shaldyqqany anyqtaldy.
Sondaı-aq, sút bezi obyry boıynsha 51 420 áıel mammografııadan ótti. 10 309 áıelden (20,0%) aýrý anyqtalyp, dıspanserlik esepke alyndy. Al jatyr moıny obyry boıysha 47 541 áıel sıtologııalyq zertteýden ótkizildi. 2 297 adamnan (4,8%) aýrý anyqtalyp, olar da dıspanserlik esepke tirkeldi», deıdi basqarma basshysynyń mindetin atqarýshy.
Jambyl oblysy
