A.Hasenovtiń aıtýynsha, QMG roýd-shoýdy sátti aıaqtap, geologııalyq barlaý jobalaryna ınvestorlar (otandyq jáne halyqaralyq) tartty. Búginde QMG jer qoınaýyn geologııalyq zertteý baǵdarlamasyn jalǵastyra otyryp, seısmıkalyq barlaý jumystary júrgiziletin úsh jańa perspektıvti jobany daıyndady.
Budan bólek, áńgimelesý barysynda «ADNOC»-tyń álemdik deńgeıdegi kóshbasshy kompanııa ekeni, munaı-gaz hımııasy ónerkásibinde yntymaqtastyq qurýdyń aıryqsha múmkindigi bar ekeni de sóz boldy. Sonymen qatar energetıkalyq júıege kóshý jáne aqparattyq tehnologııalar salasyndaǵy yntymaqtastyq máseleleri qaraldy.
Ashat Hasenov QMG ózara tıimdi yntymaqtastyqty odan ári nyǵaıtýǵa múddeli ekenin atap ótip, «ADNOC» kompanııasyn otandyq munaı-gaz jobalaryna ınvestısııa quıýǵa shaqyrdy.
«QazMunaıGaz ben «Abu Dhabi National Oil Company» seriktestigi jobalardy júzege asyrýdyń tıimdiligin edáýir arttyryp qana qoımaı, Qazaqstan men Birikken Arab Ámirlikteri arasyndaǵy strategııalyq yntymaqtastyqty odan ári nyǵaıtýǵa yqpal etetinine senimdimin», dedi QMG basshysy.
Aıta keteıik, «ADNOC» 1971 jyly qurylǵan, Abý-Dabı úkimetine tolyq tıesili ártaraptandyrylǵan jetekshi energetıkalyq top. Kompanııanyń ıntegrasııalanǵan kásiporyndar jelisi energetıka salasynyń quny joǵary óniminiń barlyq tizbegin qamtıdy. «ADNOC» álemdegi kómirtegi shyǵaryndysy az, munaı-gaz óndiretin eń iri kompanııalardyń biri retinde tanymal.
