Sýret: basagro.kz
«Qazaqstan Ǵarysh Sapary» ulttyq kompanııasy AQ mamandary ǵaryshtyq spýtnıkter arqyly alynǵan derekter aýyl sharýashylyǵy salasynda egin, jaıylymdyq jerlerdiń jaı-kúıin monıtorıngteý, sý tutynýdy baǵalaý úshin qalaı qoldanylatynyn túsindirdi. Olar jerdi qashyqtyqtan zondtaý derekteri arqyly júrgizilgen aýyl sharýashylyǵy jerleriniń monıtorınginiń nátıjesin usyndy.
Prezentasııa qorytyndysy boıynsha mınıstr ulttyq kompanııa ǵaryshtyq monıtorıng derekteri men AShM qalyptastyrǵan aqparatty salystyrmaly baǵalaý júrgizýdi tapsyrdy. Bul tapsyrma aýyl sharýashylyǵy jerleriniń jaı-kúıin, paıdalanylýyn baǵalaýǵa arnalǵan birizdi tásilderdi qalyptastyrýǵa, sondaı-aq egistik alańy, ónimdilik jáne sý tutyný boıynsha esepterdegi aıyrmashylyqtardy naqtylaýǵa baǵyttalǵan.
Kezdesý barysynda agroónerkásip kesheni (AО́K) úderisterin avtomattandyrý jáne sıfrlandyrýǵa baǵyttalǵan sıfrlyq platformalar tanystyryldy. Olardyń ishinde aýyl sharýashylyǵy jerlerine qatysty geokeńistik derekterdi berýge arnalǵan «Agrospace» platformasy da bar. Jalpy alǵanda, sala basshysy ǵaryshtyq monıtorıngti AО́K sektorynda qoldanýdy ári qaraı keńeıtýdiń mańyzdylyǵyn aıryqsha aıtyp ótti.
