IýNESKO Bas konferensııasynyń 42-sessııasynda IýNESKO-nyń ataýly kúnderi tizbesine 2025 jyly áıgili kompozıtor, kúıshi Nurǵısa Tilendıevtiń 100 jyldyǵyn engizý týraly Qazaqstannyń usynysy qoldaý tapty. TÚRKSOI Turaqty keńesiniń 40-otyrysynda «2025 jyl – Nurǵısa Tilendıevtiń jyly» bolyp jarııalandy.
Osyǵan oraı uıymdastyrylǵan is-sharada «Nurǵısa Tilendıev – 100 jyl» atty kitap kórmesi jasaqtaldy.
Alqaly jıynǵa moderatorlyq etken PhD Aıtolqyn Toqtaǵan qazaqtyń mýzykalyq mádenıetine kompozıtor, dırıjer, oryndaýshy retinde óshpes iz qaldyrǵan sýretker týraly keńinen maǵlumat berdi.
Qazaqstannyń halyq ártisi Qaırat Baıbosynov is-sharaǵa onlaın qatysyp, ónerdegi ustazy Nurǵısa Tilendıevtiń halyqtyq mýzyka óneriniń dástúrlerin saqtaý men órkendetý jolyndaǵy orasan eńbegine toqtaldy.
Sonymen qatar kúıshi-dombyrashy Aıtjan Toqtaǵan, kúıshi, dırıjer Aıtqalı Jaıymov, kúıshi, ónertanýshy, Qazaqstannyń eńbek sińirgen qaıratkeri Janǵalı Júzbaı syndy qurmetti qonaqtar kompozıtordyń ómiri men shyǵarmashylyq joly, sazgerlik qasıeti men azamattyq kelbeti haqynda jyly estelikterimen bólisti.
Rýhanı keshte Nurǵısa Tilendıevtiń halyqqa tanymal shyǵarmalary oryndaldy.
Is-sharaǵa Qazaq ulttyq óner ýnıversıtetiniń Dástúrli mýzykalyq óner fakýltetiniń stýdentteri, Astana qalasy mýzyka mektepteriniń pedagogteri, kitaphanashylar men oqyrmandar qatysty.
