Sýret: primeminister.kz
Eńbek jáne halyqty áleýmettik qorǵaý mınıstri Svetlana Jaqypova sıfrlyq sheshimderge negizdelgen jańa tásildermen tanystyrdy, bul qoldaý sharalarynyń qaıtalanýyn boldyrmaýǵa jáne «áleýmettik ádilettilik» qaǵıdatyna sáıkes áleýmettik ıgilikterdi bólý tıimdiligin arttyrýǵa múmkindik beredi.
Bıylǵy naýryz aıyndaǵy jaǵdaı boıynsha elimizde 4 mln-nan astam azamat túrli áleýmettik qoldaý, atap aıtqanda, ataýly kómek, kópbalaly otbasylarǵa arnalǵan tólemder, múgedektigi boıynsha járdemaqylar, bosanǵanǵa deıingi jáne bosanǵannan keıingi tólemder, halyqtyń az qamtylǵan toptaryn qoldaý syndy sharalarmen qamtylǵan.
Bul rette «Otbasynyń sıfrlyq kartasy» derekterin taldaý tek 564 myń azamattyń ómirlik qıyn jaǵdaıǵa tap bolǵandar sanatyna jatatynyn kórsetedi. Osyǵan baılanysty áleýmettik kómek kórsetý sanaty qaǵıdatynan naqty muqtajdyq ólshemderine kóshýge baǵyttalǵan tetik qarastyrylyp jatyr.
Sondaı-aq muqtaj azamattardy qamtýdaǵy óńirlik dısproporsııalar problemasyn sheshý máselesine nazar aýdaryldy. Atap aıtqanda, oblystar men qalalarǵa qaramastan, tólem túrleri men mólsherin bir júıege keltirý týraly ıdeıalar aıtyldy.
Oljas Bektenov Úkimet jumysynyń basym baǵyty muqtaj azamattardyń turmys deńgeıi ári qaraı qanaǵattanarlyq sanatqa kóshýi úshin olardy qoldaý sharalarymen qamtý ekenin atap ótti. Eńbek jáne halyqty áleýmettik qorǵaý, Sıfrlyq damý mınıstrlikterine muqtajdyq deńgeıin baǵalaý úshin jaqyn arada halyqtyń ál-aýqatyn jan-jaqty taldaý jumystaryn aıaqtaý tapsyryldy. Muqtajdar júıesine kirmegen azamattar boıynsha jeke jumys júrgizý júkteldi.
