Foto: Sputnik / Abzal Kalıev
«Biz birtindep barlyq salada aýqymdy reformalar men naqty ózgeristerdi júzege asyryp jatyrmyz. Onyń bári halyqtyń tilegi men zamannyń talabyna saı jasalýda. Bul jerdegi túpki maqsat – barlyǵyn ózgertý emes. Eń bastysy – atqarylyp jatqan sharýany ońtaılandyryp, onyń tıimdiligin arttyrý.
Aldymyzda turǵan negizgi mindettiń biri – jekelegen baǵyttar boıynsha memlekettik apparattyń jumysyn júıelep, retke keltirý.
О́zderińizge málim, elimizde túrli salaǵa qatysty baǵdarlamalar men keshendi josparlar bar. Bıyl osyndaı birqatar qujattyń merzimi aıaqtalady. Árıne, onyń keıbiri jalǵasady, keıbiri múldem toqtatylady. Úkimet muqııat oılastyryp, naqty sheshim qabyldaýy kerek», dedi Memleket basshysy.
О́z sózinde Prezıdent osy jyly esirtkimen kúreske qatysty jańa qujat daıyndalatynyn atap ótti.
«El bolashaǵy úshin aıryqsha mańyzy bar salalar boıynsha jumys úzdiksiz jalǵasýǵa tıis. Nashaqorlyqqa jáne esirtki bıznesine qarsy kúres týraly keshendi jospardyń merzimi bıyl bitedi. Bul qujat 2023 jyly ázirlengen. Mundaı jospar elimizge qajet ekeni anyq. О́ıtkeni osy qaýipti keselge qarsy kúres – óte mańyzdy máseleniń biri. Jańa qujatty daıyndaýǵa qazirden bastap kirisý kerek», Prezıdent.
