Biraq bul múlde kómeksiz qalasyz degen sóz emes. Memleket barlyq azamattarǵa tegin medısınalyq kómektiń belgili bir kólemin kepildendiredi.
Kimder tegin medısınalyq kómek ala alady?
Tegin qyzmetter kelesi adamdarǵa qoljetimdi:
• Qazaqstan azamattary;
• Qandastar;
• Bosqyndar;
• Qazaqstanda turaqty turatyn sheteldikter men azamattyǵy joq tulǵalar.
Qandaı medısınalyq qyzmetter tegin?
1. Jedel járdem – saqtandyrý mártebesine qaramastan, kez kelgen adamǵa kórsetiledi. Aýyr jaraqat, ınsýlt, ınfarkt, ýlaný sııaqty ómirge qaýipti jaǵdaılarda jedel járdem shaqyrýǵa bolady.
2. Emhanalardaǵy alǵashqy kómek – ýchaskelik dárigerge qaralý, josparly tekserýler, ekpeler, juqpaly jáne keıbir sozylmaly aýrýlardy emdeý.
3. Mańyzdy aýrýlardy emdeý – týberkýlez, VICh, onkologııa, psıhıkalyq aýytqýlar, qant dıabeti jáne basqa da áleýmettik mańyzy bar aýrýlardy tegin emdeý.
4. Kúndizgi stasıonar – aýrýhanaǵa jatpaı-aq, dáriger baqylaýynda em alý.
5. Kútpegen jaǵdaılarda aýrýhanaǵa jatqyzý – aýyr jaraqat, juqpaly aýrýlar nemese shuǵyl operasııa qajet bolǵan kezde.
6. Pallıatıvtik kómek – jazylmaıtyn aýrýlary bar naýqastarǵa aýyrsynýdy basatyn jáne qoldaý kórsetetin em.
7. Tegin dári-dármekter – belgili bir aýrýlary bar adamdarǵa (mysaly, qant dıabeti, onkologııa, astma) tegin dáriler beriledi.
Tegin medısınalyq kómekti qalaı alýǵa bolady?
• О́zińiz tirkelgen emhanaǵa baryńyz – saqtandyrý mártebesine qaramastan, tegin kómek kórsetilýi kerek.
• Shuǵyl jaǵdaıda 103-ke qońyraý shalyńyz – jedel járdem shaqyrýdan eshkim bas tarta almaıdy.
• Saqtandyrý mártebeńizdi tekserińiz – ony arnaıy portal arqyly nemese jumys berýshiden surap bilýge bolady.
• 1432 nómirine habarlasyńyz – eger sizge negizsiz túrde medısınalyq kómek kórsetýden bas tartsa, Medısınalyq saqtandyrý qorynyń call-ortalyǵyna qońyraý shalyńyz (tegin).
Eger medısınalyq kómekten zańsyz bas tartsa, ne isteý kerek?
• Jazbasha túsinikteme talap etińiz – sizge ne sebepti qyzmet kórsetýden bas tartylǵanyn bilý úshin.
• 1432 nómirine qońyraý shalyńyz – bul másele boıynsha Medısınalyq saqtandyrý qoryna habarlasyńyz.
• Mınıstrlikke shaǵym jazyńyz – Densaýlyq saqtaý mınıstrligine onlaın ótinish qaldyrýǵa bolady.
• Prokýratýraǵa júginińiz – eger quqyqtaryńyz óreskel buzylsa.
Eń bastysy – óz densaýlyǵyńyzdy nazardan tys qaldyrmaı, qajet bolǵan jaǵdaıda medısınalyq mekemelerge ýaqytynda barý.
