Ulttyq óner ulyqtaldy

– Festıvaldyń kózde­geni – halyqtyq kilem toqý dástúrlerin nasıhattaý, ata dástúrdi jańǵyrtý, sándik-qoldanbaly óner sheberlerine qoldaý kórsetý. Mundaı is-sharany elimizde alǵash ret qolǵa alyp otyrmyz. Aldaǵy ýaqyt­ta aıasyn keńeıtip ótki­zýi­miz de múmkin. Art-alań qursaq degen de oı bar, – deıdi oblystyq mádenıet bas­qar­masynyń basshysy Samat Kásenov.

Bul ónerdiń órisi keńge qanat jaısa, týrızm salasyna da serpin beredi. Alystan at arytyp kelgen saıahatshylar estelikke syılyq tappaı sandalyp júrmeıdi, belgili bir ortalyqtan qundy dúnıe arqalap kete berý múmkindigi de qarastyrylady.

Keń foıege alasha-syrmaq jaıylyp, tusyna túskıizder ilingen. Jaǵalaı qolónershiler jaıǵasqan. Biri toqyma toqy­sa, endi biri keste tigip otyr. Ádemi kórinis. Jazdyń jaıma shýaǵynda, sarqyrap aqqan ózenniń jaǵasynda ótkizer me edi bul kórmeni? Iá, bul usynys mádenıet basshylyǵyna da ­aıtyldy.

Búgingi festıvalǵa eli­mizdiń 8 oblysynan, res­pýb­lıkalyq mańyzy bar 2 qa­lasynan 27 sheber kelip qa­tys­ty. Kórermenderdiń na­za­ryna biregeı kilemder, kıiz­den jasalǵan buıym­dar, gobelender jáne sándik-qol­danbaly ónerdiń basqa da úlgileri usy­nyldy. Qol­óner­shilerdiń ju­mysyn Qolónershiler oda­ǵynyń tóraǵasy Aıjan Bekqulova, «Tarbiyabrend» sán úıiniń jetekshisi, sánger Tarbııa Aıdymbaeva syndy sheberler baǵalady. Eki kúnge sozylǵan baıqaýda júl­deli 3-oryndy sonaý Al­matydan alasha-syrmaǵyn arqalap jetken Gúlzıra Sár­sembaeva alsa, ekinshi oryndy Katonqaraǵaıdan kelgen ismer Gúlnar Qojamjarova enshiledi. Birinshi oryn Qyzyl­ordanyń qolónershisi Gúlnar Júsipqyzyna buıyrdy.