Foto: Kólik mınıstrligi
Forým qatysýshylary Úlken Eýrazııadaǵy jańa kólik dálizderi men balamaly baǵyttar, BRIKS jáne EEO elderiniń yntymaqtastyǵy, ekonomıkalyq ıntegrasııany tereńdetýdegi kólik pen logıstıkanyń rólin talqyǵa salady.
Forým alańynda bıznes ókilderi, memlekettik qurylymdar, sarapshylar, operatorlar men tasymaldaýshylar bas qosyp, kólik ıntegrasııasynyń qazirgi jaǵdaıyn, úrdisterin, múmkindikteri men keleshegi jóninde pikirlerin ortaǵa salady.
Qatysýshylardy plenarlyq pikirtalastar, konteınerlik naryq kóshbasshylarymen dıalog, keıs-sessııalar men praktıkalyq usynystar kútedi. Forýmda mynadaı taqyryptar talqylanady:
• Úlken Eýrazııa elderiniń jańa baǵyttary;
• Olardyń ózara baılanysy men tıimdiligi;
• Ǵalamdyq konteınerızasııa;
• Halyqaralyq avtotasymaldar jáne mýltımodaldy logıstıkanyń zamanaýı sheshimderi.
Forýmǵa Reseı, Qazaqstan, Mońǵolııa, Qytaı, О́zbekstan, Tájikstan, Qyrǵyzstan, Belarýs, Úndistan, BAÁ, Eýropa jáne basqa elderden jetekshi kompanııalar qatysatynyn rastady.
Forýmdy «Edınoe Soobshestvo Ekspedıtorov» (Reseıdegi kólik forýmdarynyń uıymdastyrýshysy) men «CILT Central Asia» (Qazaqstan) birlesip uıymdastyrady. Forýmnyń iskerlik baǵdarlamasynyń seriktesteri – Halyqaralyq Transevrazııalyq Tasymaldardy Úılestirý Keńesi (KSTP) jáne Qazaqstan tarapynan – «Kazlogistics». Oryndar shekteýli, sondyqtan aldyn ala tirkelý qajet.
Is-shara aıasynda Almaty mańyndaǵy seriktes kompanııalardyń kólik-logıstıkalyq termınaldaryna bıznes-ekskýrsııa, forýmnyń bas demeýshileriniń biri – «PTC Holding» kompanııasynyń qoldaýymen Qazaqstan – Qytaı shekarasyna («Dostyq – Alashankoý») bıznes-týr uıymdastyrylady.
