Áıgili jazýshy F.Dostoevskııdiń ádebı-memorıaldyq mýzeı-úıinde sýretshi Aleksandr Gorelovtiń «Abaı álemi» atty jeke kórmesi ashyldy. Kórmeniń bulaı atalýy kezdeısoq emes. Avtordyń kartınalarynda kórnekti aqynnyń ómirine tikeleı baılanysty jerler kórinis bergen. Onda Qunanbaı meshiti, Semeı qalasyndaǵy aqynnyń barǵan kitaphana ǵımaraty, memorıal keseneler, HVIII ǵasyrda salynǵan Iаmyshev qaqpasy jáne Alash arystary atylǵan aral (Túıemoınaq) sekildi tarıhı oryndar sýrettelgen. Muny Semeı qalasynyń tarıhı arhıtektýralyq ansambli dep ataýǵa da bolady. Sonymen qatar tabıǵat peızajdary merekelik kóńil kúıge jyly áser berip turǵany baıqalady.
«Áskerı qyzmetten keıin Qyrǵyz Ulttyq akademııalyq opera jáne balet teatrynda jumys istedim. Oqýdy aıaqtaǵannan keıin túrli teatrda istep, kóp uzamaı Almaty teatr-kórkemsýret ınstıtýtynda ssenografııadan sabaq berýge shaqyrý aldym. Al 1981 jyldan bastap, zeınetkerlikke shyqqanǵa deıin Semeı qalasyndaǵy Dostoevskıı atyndaǵy teatrdyń bas sýretshisi boldym. Osy ýaqyt aralyǵynda Semeı qalasynyń tarıhı jerlerin taspalaýǵa tyrystym», deıdi sýretshi Aleksandr Grıgorevıch.
Sýretshiniń buǵan deıin 20-dan astam jeke kórmesi ótipti. Ol óziniń jańa kórmesin Naýryz meıramy men Abaıdyń 180 jyldyǵyna oraı qoıǵanyn, oǵan qalaǵa kelýshi týrısterdiń erekshe qyzyǵýshylyq tanytyp otyrǵanyn aıtady.
Abaı oblysy
