Qazaqstan Respýblıkasy Bilim jáne ǵylym mınıstrliginiń buıryǵy  №513

2014 jylǵy 9 jeltoqsan,  Astana qalasy Bala asyrap alý jónindegi agenttikterdi akkredıtteý qaǵıdalaryn bekitý týraly «Neke (erli-zaıyptylyq) jáne otbasy týraly» Qazaqstan Respýblıkasy Kodeksiniń 111-baby 4-tarmaǵyna sáıkes buıyramyn: 1. Qosa berilip otyrǵan Bala asyrap alý jónindegi agenttikterdi akkredıtteý qaǵıdalary bekitilsin. 2. Qazaqstan Respýblıkasy Bilim jáne ǵylym mınıstrligi Balalardyń quqyqtaryn qorǵaý komıteti (Z.J. Orazalıeva) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqty merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym vıse-mınıstri E.N. Imanǵalıevke júktelsin. 4. Osy buıryq alǵash ret resmı jarııalanǵannan keıin kúntizbelik on kún ótken soń qoldanysqa engiziledi. Mınıstr A. SÁRINJIPOV. KELISILDI Qazaqstan Respýblıkasy Ishki ister mınıstri 2015 jylǵy «____» ____________ ___________________Q.N.QASYMOV KELISILDI Qazaqstan Respýblıkasy Densaýlyq saqtaý jáne áleýmettik damý mınıstri 2015 jylǵy «____» ____________ __________________T.B.DÚISENOVA KELISILDI Qazaqstan Respýblıkasy Syrtqy ister mınıstri 2015 jylǵy «____» ____________ __________________E.Á.YDYRYSOV KELISILDI Qazaqstan Respýblıkasy Ádilet mınıstri 2015 jylǵy «____» ____________ __________________ B.M.IMAShEV Qazaqstan Respýblıkasy Bilim jáne ǵylym mınıstriniń 2014 jylǵy 9 jeltoqsandaǵy №513 buıryǵymen bekitilgen Bala asyrap alý jónindegi agenttikterdi akkredıtteý qaǵıdalary 1. Jalpy erejeler 1. Osy Bala asyrap alý jónindegi agenttiktterdi akkredıtteý qaǵıdalary «Neke (erli-zaıyptylyq) jáne otbasy týraly» Qazaqstan Respýblıkasynyń 2011 jylǵy 26 jeltoqsandaǵy Kodeksiniń (budan ári – Kodeks) 111-babynyń 4-tarmaǵyna sáıkes ázirlengen jáne Qazaqstan Respýblıkasynyń aýmaǵynda bala asyrap alý jónindegi qyzmetti fılıaldar jáne (nemese) ókildikter qurý jolymen júzege asyratyn agenttikterdi akkredıtteý tártibin aıqyndaıdy. 2. Osy Qaǵıdalarda mynadaı uǵymdar paıdalanylady: 1) bala asyrap alý jónindegi agenttikter (budan ári – agenttikter) – óz memleketiniń aýmaǵynda balalardy asyrap alý jónindegi qyzmetti júzege asyratyn jáne Kodekste belgilengen tártippen Qazaqstan Respýblıkasynyń aýmaǵynda osyndaı qyzmetti júzege asyrý úshin akkredıttelgen kommersııalyq emes sheteldik uıymdar; 2) akkredıtteý – ýákiletti organynyń – Qazaqstan Respýblıkasynyń Bilim jáne ǵylym mınıstrligi Balalardyń quqyqtaryn qorǵaý komıtetiniń (budan ári – Komıtet) agenttikterdiń óz qyzmetin júzege asyrý quqyǵyn resmı tanýy. 3. Akkredıtteý týraly ótinish bergen sátte óz memleketiniń aýmaǵynda atalǵan salada óz qyzmetin keminde on jyl júzege asyratyn agenttikter akkredıtteýge jatady. 2. Agenttikterdi akkredıtteý tártibi 4. Agenttikterdi akkredıtteý, onyń ishinde akkredıtteýden bas tartý týraly máseleni Komıtet qaraıdy. 5. Kodekstiń 112-babyna sáıkes agenttiktiń senim bildirgen adamy balalardy asyrap alý jónindegi jumysty júzege asyrý úshin Komıtetke mynadaı qujattardy: 1) Osy Qaǵıdalardyń qosymshalaryna sáıkes nysan boıynsha ótinishti; 2) quryltaı qujattarynyń notarıaldy kýálandyrylǵan kóshirmelerin; 3) onyń tıisti salada qyzmetti júzege asyrý ókilettigin rastaıtyn, agenttik ornalasqan memlekettiń quzyretti organy bergen qujattyń kóshirmesin; 4) agenttiktiń ókilettigin rastaıtyn qujatty bergen nemese agenttiktiń Qazaqstan Respýblıkasynyń aýmaǵynda tıisti qyzmetti júzege asyrý múmkindigi týraly qyzmetine baqylaýdy júzege asyratyn memlekettiń quzyretti organynyń usynym hatyn; 5) bala asyrap alýǵa úmitkerlerge agenttik usynatyn, kórsetiletin qyzmetterdiń tizbesin; 6) asyrap alynǵan balalardyń turmys jaǵdaılary men tárbıesine baqylaýdy júzege asyrý jáne belgilengen tártippen tıisti esepter jáne aqparat berý jónindegi mindettemeni; 7) bala asyrap alýshylardyń ózderi turatyn memleketke kelgen soń asyrap alynǵan balanyń Qazaqstan Respýblıkasynyń konsýldyq mekemesinde esepke qoıylýyn baqylaýdy júzege asyrý jónindegi mindettemesin; 8. agenttiktiń senim bildirgen adamǵa bergen notarıatta kýálandyrylǵan senimhatty qosa tirkeı otyryp, ótinish beredi. Osy tarmaqtyń 2), 3), 4), 5) tarmaqshalarynda sanamalanǵan qujattar olar berilgen kúnnen bastap alty aı boıy jaramdy bolady. 6. Barlyq usynylǵan qujattar «Konsýldyq zańdastyrý Erejelerin bekitý týraly» Qazaqstan Respýblıkasy Syrtqy ister mınıstrliginiń 2000 jylǵy 21 qarashadaǵy №264 buıryǵyna (normatıvtik quqyqtyq aktilerdi memlekettik tirkeý Reestrinde №1350 tirkeldi) jáne «Balalardy qorǵaý jáne balany sheteldik asyrap alýǵa qatysty yntymaqtastyq týraly konvensııany ratıfıkasııalaý týraly» Qazaqstan Respýblıkasynyń 2010 jylǵy 12 naýryzdaǵy №253-IV Zańyna sáıkes zańdastyrylýy tıis. Qazaqstan Respýblıkasynan tys jerde berilgen qujattar tıisti shet memlekettiń memlekettik tilinde usynylady, sondaı-aq qazaq jáne orys tilderine aýdarylýǵa jatady. 7. Senim bildirilgen adamnyń akkredıtteý týraly ótinishin Komıtet osy Qaǵıdalardyń 5-tarmaǵynda kórsetilgen qujattar usynylǵan sátten bastap kúntizbelik otyz kún ishinde qaraıdy. 8. Agenttikti akkredıtteý týraly sheshimdi Komıtet óz quzyreti sheginde akkredıtteý múmkindigi týraly tıisti qorytyndylar beretin Ishki ister, Syrtqy ister, Densaýlyq saqtaý jáne áleýmettik damý, Ádilet mınıstrlikterimen (budan ári – memlekettik organdar) kelisim boıynsha qabyldaıdy. Komıtet eki jumys kúni ishinde osy Qaǵıdalardyń 5-tarmaǵynda kórsetilgen qujattardy ýákiletti organnan qujattar men suraý salý túsken sátten bastap on jumys kúni ishinde agenttiktiń Qazaqstan Respýblıkasynyń aýmaǵynda qyzmetin júzege asyrý múmkindigi týraly qorytyndy usynatyn memlekettik organdarǵa kelisý úshin joldaıdy. 9. Agenttikti akkredıtteý nemese akkredıtteýden bas tartý týraly sheshimdi Komıtet ol qabyldanǵan kúnnen bastap on jumys kúni ishinde beredi, bas tartylǵan jaǵdaıda ony negizdeıdi. 10. Agenttikti akkredıtteý týraly sheshim joǵalǵan kezde, ókil tıisti ótinish berilgen kúnnen bastap on jumys kúni ishinde Komıtetten onyń telnusqasyn alady. Bul rette, agenttikti akkredıtteý týraly sheshim túpnusqasynyń kúshi joıyldy dep tanylady. 11. Agenttikter bir jyl merzimge akkredıtteledi. Agenttikti akkredıtteý týraly sheshim ıelikten shyǵarylmaıdy jáne basqa adamdarǵa berýge jatpaıdy. 12. Kodekstiń 112-babyna sáıkes agenttikti akkredıtteýden, onyń qyzmet merzimin uzartýdan jáne (nemese) onyń qyzmetin merziminen buryn toqtatýdan bas tartý negizderi: 1) usynylǵan qujattardyń Qazaqstan Respýblıkasynyń zańnamasynda belgilengen talaptarǵa sáıkes bolmaýy; 2) óz qyzmeti týraly dáıeksiz málimetter usynýy; 3. agenttiktiń nemese onyń fılıaldarynyń jáne (nemese) ókildikteriniń qyzmeti týraly shet memlekettiń quzyretti organdarynan, sondaı-aq osy Qaǵıdalardyń 8-tarmaǵynda kórsetilgen Qazaqstan Respýblıkasynyń memlekettik organdarynan kelip túsken keleńsiz aqparattyń bolýy; 4) agenttik ornalasqan memlekettegi qolaısyz áleýmettik-ekonomıkalyq, saıası, ekologııalyq ahýal, áskerı is-qımyldardyń júzege asyrylýy; 5) agenttiktiń fılıaly jáne (nemese) ókildigi qyzmetkerleriniń Qazaqstan Respýblıkasynyń zańnamasyn buzýy; 6. agenttiktiń asyrap alynǵan balalardyń turmys jaǵdaılary men tárbıesin baqylaý jáne zańnamada belgilengen tártippen tıisti esepter jáne aqparat berý jónindegi óz mindettemelerin buzýy; 7) agenttiktiń asyrap alynǵan balanyń zańnamada belgilengen tártippen Qazaqstan Respýblıkasynyń konsýldyq mekemesinde esepke qoıylýyn baqylaýdy júzege asyrý jónindegi óz mindettemelerin buzýy; 8) agenttiktiń óz memleketi aýmaǵynda qyzmetiniń toqtatylýy bolyp tabylady. 13. О́z qyzmetin akkredıtteýden bas tartý týraly sheshimdi alǵan agenttik Komıtetke alty aı ótken soń qaıtadan júginedi. 3. Fılıaldardyń jáne (nemese) ókildikterdiń qyzmetin uzartý,toqtata turý jáne (nemese) merziminen buryn toqtatý 14. Agenttikti akkredıtteý merzimin uzartý úshin ol akkredıtteý merzimi ótkenge deıin kúntizbelik otyz kúnnen keshiktirmeı Komıtetke merzimdi uzartý týraly ótinish beredi. Agenttikti akkredıtteý merzimin uzartý týraly ótinishti Komıtet ótinishti qabyldaǵan kúnnen bastap on jumys kúni ishinde qaraıdy. Agenttikti akkredıtteý merzimin uzartý ne uzartýdan bas tartý týraly dáleldi sheshimdi Komıtet qabyldap, agenttiktiń fılıalyna jáne (nemese) ókildigine sheshim qabyldanǵan kúnnen bastap bes jumys kúni ishinde jiberedi. 15. Eger olar agenttikti alǵashqy akkredıtteýden keıin bir jyl ishinde Qazaqstan Respýblıkasynyń zańnamasynda belgilengen barlyq talaptardy saqtaǵan bolsa, osy Qaǵıdalardyń 11-tarmaǵynda kózdelgen merzim ótken soń akkredıtteý merzimi ózdiginen uzartylady. 16. Komıtet: 1) Kodekstiń jáne osy Qaǵıdalardyń normalary saqtalmaǵan; 2) Komıtetke jáne (nemese) ózge de memlekettik organdarǵa fılıaldyń jáne (nemese) ókildiktiń qyzmetine negizdelip shaǵymdar jasalǵan jaǵdaıda, agenttikti akkredıtteý týraly sheshimniń qoldanylýyn toqtata turady. 17. Agenttikti akkredıtteý týraly sheshimniń qoldanylýyn toqtata turýǵa ákep soqqan buzýshylyqtar bir aı ishinde joıylǵan kezde Komıtet ony qaıtadan qoldanysqa engizedi. Eger agenttik qyzmetin toqtata turýǵa ákep soqqan buzýshylyqtar (mán-jaılar) belgilengen merzimde joıylmasa, Komıtet agenttik qyzmetin toqtatý týraly sheshim qabyldaıdy. 18. Fılıaldyń jáne (nemese) ókildiktiń qyzmetin merziminen buryn toqtatý, onyń qyzmetin uzartý týraly sheshimdi Komıtet negizdelip qabyldanǵan kúnnen bastap on jumys kúni ishinde qabyldaıdy. 19. Fılıaldyń jáne (nemese) ókildiktiń qyzmeti mynadaı jaǵdaılarda: 1) balalardy asyrap alý jónindegi qyzmetin agenttiktiń quryltaı qujattaryna sáıkes júzege asyrmasa; 2) agenttikti akkredıtteý týraly sheshimniń qoldanylýyn toqtata turýǵa ákep soqqan buzýshylyqtardy bir aı ishinde joımasa; 3) fılıal jáne (nemese) ókildik qyzmetin toqtatý týraly ótinish berse; 4) agenttikti akkredıtteý týraly sheshimniń qoldanylý merzimi ótse jáne akkredıtteý merzimin jańa merzimge uzartý múmkin bolmasa toqtatylady. 20. Agenttik fılıalynyń jáne (nemese) ókildiginiń qyzmetin toqtatý máselelerin ýákiletti organ osy Qaǵıdalardyń 19-tarmaǵynda kórsetilgen mán-jaılar anyqtalǵan (týyndaǵan) kúnnen bastap on jumys kúni ishinde qaraıdy. 21. Qyzmetin toqtata turý nemese toqtatý týraly dáleldi sheshim qabyldanǵannan keıin Komıtet fılıaldy jáne (nemese) ókildikti bes jumys kúni ishinde habardar etedi. 22. Fılıaldyń jáne (nemese) ókildiktiń qyzmetin toqtata turý nemese merziminen buryn toqtatý týraly dáleldi sheshim ony buqaralyq aqparat quraldarynda ornalastyrý arqyly tıisti ákimshilik-aýmaqtyq bólinistiń aýmaǵynda taratylady. 23. Agenttik basshysynyń tegi, aty, ákesiniń aty jáne (nemese) zańdy tulǵanyń ataýy, uıymdyq-quqyqtyq nysany ózgergen jaǵdaıda akkredıttelgen agenttikter akkredıtteý týraly sheshimdi qaıta resimdeý týraly Komıtetke kórsetilgen málimetterdi rastaıtyn qujattardy jáne osy Qaǵıdalardyń 5-tarmaǵynda kórsetilgen qujattardy qosa otyryp ótinish beredi. 24. Komıtet tıisti jazbasha ótinish túsken kúnnen bastap bes jumys kúni ishinde agenttikterdi akkredıtteý týraly sheshimdi qaıta resimdeıdi. Bul rette, agenttikterdi akkredıtteý týraly buryn berilgen sheshimniń kúshi joıyldy dep tanylady jáne Komıtetke qaıtarylady. Bala asyrap alý jónindegi agenttikterdi akkredıtteý qaǵıdalaryna qosymsha Úlgi Qazaqstan Respýblıkasy Bilim jáne ǵylym mınıstrligi Balalardyń quqyqtaryn qorǵaý komıtetiniń tóraǵasyna ________________________________________________ (tegi, aty, ákesiniń aty (bar bolǵan jaǵdaıda) Bala asyrap alý jónindegi agenttiktiń senim bildirgen adamynan ______________________________________________________ (baılanys telefondaryn kórsete otyryp, qysqartýsyz tolyq agenttiktiń ataýy, tegi, aty, ákesiniń aty (bar bolǵan jaǵdaıda) О́tinish Sizden Qazaqstan Respýblıkasynyń aýmaǵynda bala asyrap alý jónindegi qyzmetti júzege asyratyn ____________________________________________ (agenttiktiń ataýyn jáne memlekettiń meken-jaıyn kórsetý) bala asyrap alý agenttikti akkredıtteý múmkindigi úshin usynylǵan qujattardy qarastyrýdy suraımyz. «___» _______ 20__jyl ___________________________ senim bildirgen adamnyń qoly Buıryq Qazaqstan Respýblıkasynyń Ádilet mınıstrliginde 2015 jylǵy 3 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10372 bolyp engizildi.