Eń aldymen mınıstr «Qazaqfılm» jeriniń satylýy jónindegi aqparattyń jalǵan ekenin málimdedi. Ol jerdiń kınostýdııa ıeliginde qala beretinin jáne kınematografııa múddesi úshin paıdalanylatynyn aıtty.
Ekinshi, Kınostýdııany jóndeýge qomaqty qarjy salýǵa daıyn ınvestorlardyń bar ekeni týraly sózge qatysty jaýap jazdy.
«Bul aqparat qoǵamda keń tarap júr, alaıda mundaı málimdemelerdi qujattarmen nemese naqty kepildiktermen rastaı almaıtyn adamdar jasap otyr. Memleket, ıaǵnı Mádenıet jáne aqparat mınıstrligi naqty ınvestorlarmen jumys isteýge daıyn. Degenmen ázirge eshqandaı naqty usynys, birde-bir kepildik haty joq. Barlyǵy tek áńgime deńgeıinde», dedi bul týrasynda mınıstr.
Úshinshi, «Qazaqanımasııa» shyǵarmashylyq birlestigin Astanaǵa kóshirý múmkindigi qarastyrylyp jatqanyn, onyń jumys sapasyna kedergi keltirmeıtinin málimdedi.
«О́kinishke oraı, keıingi bes jylda elimizde sapaly anımasııalyq fılmder túsirilgen joq. Osyǵan baılanysty anımasııalyq ındýstrııany Kreatıvti ındýstrııalar qorynyń aıasynda damytý oryndy bolmaq. Qor qurylymynda anımasııany damytýǵa baǵyttalǵan kreatıvti hab jasaqtalyp jatyr», dedi A. Balaeva.
Buǵan qosa Prezıdent qol qoıǵan jańa zańǵa sáıkes elimizde fılmderdi qarjylandyrýdyń jalpy kóleminiń keminde 30%-y jyl saıyn tikeleı «Qazaqfılmge» baǵyttalatyny aıtyldy.Sondaı-aq memlekettik qoldaýǵa ıe bolatyn kınojobalardy irikteýdiń jańa erejeleri bekitilgeni rastaldy.
«Demeýshilerdi tartýdyń arqasynda kınostýdııada sońǵy 15 jylda júrgizilmegen jóndeý jumystary bastaldy. Bul – ınfraqurylymdy jańǵyrtýdyń alǵashqy kezeńi. Árıne, áńgime ázirge kúrdeli jóndeý týraly emes, biraq bul – «Qazaqfılmde» jumys isteý úshin qalypty jaǵdaı jasaýǵa baǵyttalǵan naqty qadamdar. Atap aıtqym keletini, «Qazaqfılm» tek kınotýyndylar ǵana emes, eń aldymen – sharýashylyq júrgizýshi kompanııa jáne básekege qabiletti naryq qatysýshysy. Ol joǵary kásibı kınoónerdiń damýyna laıyqty jaǵdaı jasaıdy. Sondyqtan Mınıstrlik bul kásiporyndy rejısser nemese akter emes, kınostýdııa qyzmetin tabysty ári tıimdi júrgizýge qabiletti kásibı menedjer basqarýy tıis degen qaǵıdany berik ustanady.«Qazaqfılmniń» turaqty ári tıimdi damýyn qamtamasyz etý úshin Mınıstrlik jan-jaqty qoldaý kórsetýdi jalǵastyra beredi», dedi A. Balaeva.
