Sýretterdi túsirgen Nurbek IHSAN
Ulystyń Uly kúni Áz-Naýryz Batys Qazaqstan oblysynyń Aqjaıyq aýdanynda búkilhalyqtyq sıpat aldy. Aýdan ortalyǵynda ótken merekelik sherýge halyq kóp jınaldy.
Aýyldyń eńkeıgen kárisinen eńbektegen balasyna deıin ulttyq kıim kıip, merekeni toılaýǵa jınalǵan eken. Aýyl kóshelerin aralap, saltanatpen júrip ótken sherýge aýdandaǵy mekeme-uıym ujymdarymen birge qarapaıym aýyl turǵyndary, nemere-shóberesin jetektegen ata-ájeler de qatysty. Bir-birimen qol alyp kórisip, «Ulys ońynan bolsyn! Jylan jyly tek jaqsylyǵymen kelsin!» dep aq tilegin aqtarǵan halyqtyń peıili aǵyl-tegil, kól-kósir boldy.
Osy toptyń ishinde tili basqa bolsa da tilegi bir, júzi basqa bolsa da júregi bir jerlesterimiz de júr eken.
– Otanymyz ortaq, mereke de bárimizge ortaq. Búgin Naýryz-dýmandy nemeremmen birge tamashalaýǵa keldim. Halqymyzdyń birligi men berekesin aıshyqtaıtyn mereke izgilikke, tatýlyqqa shaqyrady dep bilemin óz basym. О́kpe-renishtiń bári eski jylda qalyp, keler jyl elimizge molshylyq, bereke, yrysyn alyp kelsin, – deıdi «Radýga» slavıan ulttyq-mádenı ortalyǵynyń jetekshisi Valentına Borıchevskaıa.
Saltanatty sherý naýryz-dýman ótetin ortalyq alańǵa «Aqjaıyq» ánin áýeletip kirdi. Alańda ǵasyrlar qoınaýynan jańa shaqqyndaı ǵajap aýyl jaınap tur. Kópshilik bul jerde san boıaýly, san qyrly teatrlandyrylǵan merekelik qoıylymǵa kýá boldy. Kún men Tún bir-birimen esendesip, Jer-Ana baýyryndaǵy barsha perzentine tebirene turyp baq tiledi, tynyshtyqty, beıbitshilikti aıalaýdy amanattady. Naýryzdyń qudiretin aıshyqtaǵan osy kóriniske Qydyr atanyń «Alash jurtynyń aıyn ońynan týǵyz. Tórt qubylasyn teń qylyp, tóbedegisin keltir. Esesin jibermeıtin eńsegeı qyl!» degen batasy keremet úılesip, Naýryz lebi alańdy jelpip-jelpip ótti.
Merekelik sharada «Nazqońyr» folklorlyq ansambli, aýdandyq saz mektebiniń ujymy, «Razdole» slavıan hory, Azamat Iztileý, Elmıra Ermek, Venera Nurǵalıeva, Ánýar Nurǵalıev, Erke Baqtııarova, Rysbek Janaıysov, ózge de kórkemónerpazdar án-bıimen kórermenderdiń kóńil-hoshyn serpiltti.
Batys Qazaqstan oblysy
