Ulttyq kıim kıgen jas kúıshiler «Adaı», «Balbyraýyn» jáne «Erke sylqymdy» tartyp, qala kóshelerin erekshe áýezge bóledi. О́skeleń urpaq boıynda rýhanı-adamgershilik qundylyqtaryn qalyptastyrý, ulttyq mýzykalyq murany saqtaý men nasıhattaýdy maqsat etken ıgi shara jas dombyrashylardyń basyn qosyp, dástúrli mýzykanyń ereksheligin pash etti.
Qala turǵyndary men qonaqtaryna arnalǵan mýzykalyq is-sharalar áli de jalǵasyn tappaq. Konsertter, teatr qoıylymdary, sporttyq jarystar men jármeńkelerge daıyndyq aıaqtalyp, qala kósheleri merekege saı bezendirildi. «Kók-Tóbe» saıabaǵynda, Abaı alańynda, Panfılov jaıaý júrginshiler kóshesinde, Arbat, Astana alańynda Naýryznama onkúndigi aıasynda júzden astam túrli is-shara ótedi dep josparlanǵan.
ALMATY
