Foto: Jedel shtab
Qazir Aqkıiztoǵaı men Turǵyzba aýyly aralyǵy jáne ózenniń teńizge quıatyn saǵasyna deıingi 50 shaqyrym jerde osy baǵyttaǵy jumystar aıaqtalǵan.
Al Qursaı ózeniniń 80 paıyzǵa jýyǵy tazartylyp, tereńdetilgen. Qazir qalaishilik aýmaqtaǵy jumystar jalǵasyp jatyr.
«Bekitý sharalaryn Qursaı ózenindegi jumystar tolyq bitpegendikten ýaqytsha júrgizdik, ıaǵnı, bul jerdegi jumystar jalǵasady. О́zenniń aldyna arnaıy úlken shlıýz salynady. Odan ári qaraı Qursaı ózenin jáne Qur-Jemdi kesip ótetin bógetterdiń boıyna da shaǵyn rettegish shlıýzdar ornatylady», dedi Atyraý oblysy qurylys, sáýlet jáne qala qurylysy basqarmasynyń basshysy Nurbergen Qusaıynov.
Budan bólek aýdan 3 dárejeli qorǵanys bógetimen qorǵalǵan. Onyń jalpy uzyndyǵy 100 shaqyrymǵa jýyqtaıdy.
«Birinshi bóget Jem ózeniniń túbin tereńdetý kezinde shyqqan topyraqtan tóselgen. Ekinshisi respýblıkalyq mańyzy bar Atyraý-Beıneý tas jolynan bastalyp, Aqkıiztoǵaı aýylyna deıingi 65 shaqyrym balmen soǵylyp jatyr. Al sý ol eki bógetten ótip ketti degen jaǵdaıda 3-shisi, ıaǵnı, Qulsary qalasyn qorshap turǵan byltyrǵy bóget qaıta nyǵaıtyldy»,dedi oblys ákiminiń orynbasary Qaırat Nurtaev.
Aıta keteıik, eni 20 metr, bıiktigi 6 metr bolatyn, ár 50 sm saıyn prestelip nyǵaıtylǵan 65 shaqyrym bógettiń búginde 78 paıyz jumysy aıaqtalǵan.
