Foto: Ashyq derekkózden
Pitir sadaqa azamattardy jomarttyqqa baýlyp, adamzat arasyndaǵy baýyrmaldyqty berik ete túsýmen qatar, Ramazan aıynda bilip-bilmeı jasalǵan kem-ketikti joıady. Bul týraly hadısshi Ýákı ıbn ál-Járrah ta (r.a.) bylaı deıdi:
«Ramazan aıyndaǵy pitir sadaqa - namazdaǵy sáhý sájdesi ispetti. Namazda jibergen qatelikti sáhý sájdesi arqyly tolyqtyratyn bolsaq, ramazanda jibergen kem-ketikterdi pitir sadaqasy arqyly joıamyz».
Bıyl Qazaqstan musylmandary dinı basqaramasynyń Tóralqa májilisinde pitir sadaqasy elimiz boıynsha eki keli unnyń ortasha baǵasy negizinde 655 teńge bolyp bekitilgen edi.
Din ǵalymdary ony Ramazan aıynyń ishinde nemese aıt namazyna deıin berý kerek ekenin aıtady.
Paıǵambarymyz (s.a.ý.) pitir sadaqany aıt namazyna shyqpaı turyp beretin bolǵan. Paıǵambarymyz (s.a.ý.) «Osyndaı kúnde (aıt meıramy kúni) kedeılerdi qaıyr-sadaq tileýge májbúr etpeńder» -degen.
Fıqh ǵalymdary pitir sadaqasyn aıt kúni tań atqan soń aıt namazyn oqymaı turyp berý unamdy amal deıdi.
