Oblystyq polısııa departamentiniń baspasóz qyzmeti taratqan derekke sensek, áleýmettik jelilerdi baqylaý kezinde polıseıler qalanyń ortalyq kósheleriniń birinde qaýipti manevrler jasap, ózine ǵana emes, aınalasyndaǵylarǵa da qaýip tóndiretin beınetúsirilimdi anyqtaǵan. Belgili bolǵandaı, jas jigit basqalardyń qaýipsizdigin elemeı, óz paraqshasyna «kontent» túsirgen.
Polısııa qyzmetkerleri edel-jedel iske kirisip, júrgizýshiniń kim ekenin anyqtap, ony jaýapqa tartty. Quqyq buzýshyǵa qatysty qarsy jolaqqa shyqqany, jol jamylǵysyn zaqymdaǵany jáne manevr jasaý erejelerin buzǵany úshin ákimshilik hattamalar toltyrylǵan.Sonymen qatar, bloger 6 aıǵa kólik quralyn basqarý quqyǵynan aıyryldy. Avtokólik aıyp turaǵyna qoıyldy.
