PISA (Programme for International Student Assessment) – 15 jastaǵy balalardyń ómirdegi naqty máselelerdi sheshý úshin oqý, matematıka jáne jaratylystaný ǵylymdary boıynsha bilimderi men daǵdylaryn qoldaný qabiletterin anyqtaý maqsatynda ótkiziletin bilimalýshylardyń bilim jetistikterin baǵalaý jónindegi halyqaralyq baǵdarlama. Ony tórtjylda bir ret Ekonomıkalyq yntymaqtastyq jáne damý uıymy ótkizedi.
Zertteý kompıýterlik testileý túrinde júrgiziledi. PISA-2025-tiń negizgi baǵyty – ǵylymı saýattylyq, sonymen qatar ınnovasııalyq baǵyt. 2025 jyly mundaı baǵyt «Sıfrlyq álemde oqytý» (Learningin the digital World) bolady.
Esterińizge sala keteıik, PISA-2022 nátıjelerine súıensek, Qazaqstan Matematıka jáne jaratylystaný pánderinen TOP-50 eldiń qataryna endi. Sondaı-aq, Qazaqstannyń qalalyq jáne selolyq jerdegi oqýshylary arasyndaǵy bilim sapasy alshaqtyǵynyń tómendeýi baıqaldy.