Keshki ýaqytta úıine qaıtyp kele jatqan qala turǵyny «Jetisý Rezort» kesheniniń mańynda tanysynyń kóligin baıqap qalady. Onymen amandaspaq bolyp ishke kirgende, ony taba almaıdy. Telefon soqqanymen, jaýap ala almaıdy. Alańdaǵan er adam izdeý jumystaryn bastap, jertólege túsedi. Sol jerde Tımýrdyń telefonyn, kiltin jáne kıimderin kórip, ári qaraı ótip, ony boıaý qaldyqtary bar keńistiktiń ishinde es-tússiz jatqan jerinen tabady.
Ýaqytty bosqa ótkizbeı, er adam kóshege júgirip shyǵyp, ótip bara jatqan patrýldik polısııa kóligin baıqap, kómekke shaqyrady. Kómekke birden kapıtan Azamat Qazybaev pen Eldar Amangeldın, jáne aǵa leıtenant Janatbek Ahmetov kelgen. Polıseıler jedel áreket etip, zardap shekken azamatty syrtqa shyǵaryp, alǵashqy medısınalyq kómek kórsetken. Keıin oqıǵa ornyna jedel járdem kelip, jas jigitti dárigerlerge tabystaǵan. Qalalyq aýrýhananyń anestezıolog-reanımatologynyń aıtýynsha, polısııa qyzmetkerleriniń ýaqtyly áreket etýi jas jigittiń ómirin saqtap qalýda sheshýshi ról atqarǵan.
Aıta keteıik, polısııa kapıtany Azamat Qazybaev buǵan deıin de batyldyq tanytqan. 2011 jyly ol Japonııa men Ońtústik Koreıa delegasııasyn tasymaldaǵan avtobýsty «Aq-Bulaq» keshenine qaraı alyp bara jatqan. Almaty – Kókpek – Kóktal tasjolynyń 13-shaqyrymynda qarsy baǵytqa «Subaru Impreza» avtokóligi shyǵyp ketip, avtobýsqa soǵylý qaýpi týyndaǵan. Sol kezde kapıtan Qazybaev óz patrýldik kóligimen joldy jaýyp, soqqyny ózine qabyldap, úlken apattyń aldyn alǵan. Osy erligi úshin ol Memleket basshysynyń jarlyǵymen «Erligi úshin» medalimen marapattalǵan.
Jetisý oblysynyń Polısııa departamenti beı-jaı qaramaı, azamatty qutqarýǵa kómektesken turǵynǵa alǵys bildiredi jáne tótenshe jaǵdaılarda jedel áreket etýdiń mańyzdylyǵyn eske salady.
