Osyndaı jaǵdaılardyń biri – óńir turǵyny 2021 jyly kórshi eldiń azamattyǵyn alǵanymen, Qazaqstannyń kóshi-qon qyzmetine belgilengen merzimde habarlamaǵan.
Onyń aıtýynsha, qujattardy tapsyrý qajettigin bilmegen jáne otbasylyq jaǵdaılar Qazaqstanǵa ýaqytyly oralýyna múmkindik bermegen. Sot ony elden shyǵarý týraly sheshim shyǵardy.
Esterińizge sala keteıik, 2025 jyldyń naýryz aıynan bastap Qazaqstanda azamattyǵynan aıyrylǵan tulǵalardyń QR qujattaryn paıdalanýyna qatysty zańnamaǵa ózgerister engizilip, jaýapkershilik kúsheıtildi. Endi atalǵan quqyqbuzýshylyq úshin aıyppul mólsheri 100 AEK-ten 200 AEK-ke deıin artty.
ShQO Polısııa departamenti Qazaqstan zańnamasyna sáıkes, basqa eldiń azamattyǵyn alǵan azamattar 30 kún ishinde kóshi-qon qyzmetine habarlap, burynǵy azamattyǵyn rastaıtyn qujattardy tapsyrýǵa mindetti ekenin eskertedi. Bul talapty buzǵany úshin ákimshilik jaýapkershilik qarastyrylǵan.
