Foto: Air Astana
Jańa reıs aptasyna úsh ret seısenbi, beısenbi jáne jeksenbi kúnderi oryndalady. Kestege sáıkes ushaq Gýanchjoýdan tańǵy saǵat 06:50-de ushyp, Almatyǵa saǵat 10:20-da keledi. Qazaqstannan reıs keshki saǵat 20:50-de jóneltiledi jáne kelesi kúni saǵat 05:45-te Gýanchjoýǵa qonady (barlyq kórsetilgen ýaqyttar jergilikti).
Jańa baǵdardyń ashylýyna oraı «Kazakh Tourism» kompanııasy jáne Air Astana Gýanchjoýdan kelgen jetekshi týroperatorlar, jýrnalıster men blogerler úshin Qazaqstan boıynsha tanystyrý týryn ótkizip jatyr. Sheteldik meımandar ońtústik astananyń jáne Almaty oblysynyń negizgi týrıstik kórikti jerlerin aralaıdy. Onyń ishinde Shymbulaq taý shańǵysy kýrorty, Sharyn shatqaly men Kólsaı kólderi bar. Týrızm salasyndaǵy ekijaqty yntymaqtastyqty keńeıtý maqsatynda qazaqstandyq jáne qytaılyq týroperatorlar arasyndaǵy B2B-kezdesýler de josparlanǵan.
О́tken jyly Qytaıdaǵy Qazaqstan týrızmi jylynyń qorytyndysy boıynsha Aspan asty elinen kelýshiler qatary 78% artyp, 655 myń adamdy quraǵan. Bul elimizdiń týrıstik baǵyt retinde tartymdylyǵynyń artqanyn kórsetedi.
Aıta keteıik, eki eldiń basshylary 2025 jyldy Qazaqstandaǵy Qytaı týrızmi jyly dep jarııalaǵan edi.
