Kollajdy jasaǵan – Qonysbaı ShEJIMBAI, «EQ»
Eske alý keshine marqumnyń týystary, urpaqtary, zııaly qaýym ókilderi, ólketanýshylar, tarıhshylar, stýdent jastar, Astana, Qostanaıdan arnaıy kelgen meımandar qatysty.
Taǵylymdy keshte qala ákimi Ámirhan Asanov, kónekóz qarııa Turysbek Iztileýov, Shóptibaı Báıdildın, Borash Ábenov, jergilikti qazaq jasóspirimder teatrynyń bas rejısseri Erbol Ábjalov syndy zııaly qaýym ókilderi óner sańlaǵynyń ómiri men adamı bolmysy jaıynda áńgime órbitti. Teatr ártisi, mádenıet qaıratkeri Oraz Nurǵalı áıgili «Gaýhar tas» ánin naqyshyna keltire oryndap berdi.
Ánýar Boranbaevtyń jeke qujattaryn kásipker Marat Iаkýpov mýzeı basshysyna tabys etti.
«Osy ýaqytqa deıin oblys mýzeılerinde Ánýar aǵamyzdyń sýretteri kórinis berip qalǵanymen, eshbirinde jeke zattary joq eken. Sondyqtan búginde bútin qazaqtyń maqtanyshyna aınalǵan óner maıtalmanynyń alaqan izi qalǵan qundy dúnıelerdiń mýzeı qoryna tapsyrylýyn óńir rýhanııatyndaǵy eleýli jańalyq dep aıtýǵa bolady. Bul qujattar halyq batyry Amangeldi Imanovtyń almas qanjary, halyq aqyny Nurhan Ahmetbekovtiń qara dombyrasy sııaqty qundy muralarmen birge mýzeı tórinen oryn alyp, ulttyq mádenıetimizdi baıytyp turatyn bolady», deıdi mýzeı dırektory Raýan Terek.
Qostanaı oblysy
