Aımaqtar • 04 Sáýir, 2025

Kásipodaq ókilderi rels shyǵaratyn kásiporyn jumysshylarymen kezdesti

80 ret

kórsetildi

1 mın

oqý úshin

Kásipodaqtar federasııasy ókilderi jylyna 200 myń tonna rels pen 230 myń tonna fasondy prokat shyǵaryp, ishki suranysty tolyq qamtamasyz etip otyrǵan «Aqtóbe relsarqalyq zaýyty» eńbekkerlerimen kezdesti. 860 adam eńbek etetin kásiporynnyń 120 metrlik uzyndyqtaǵy termoberik relsteri «Almaty –Shý» temirjoly, «Quryq» teńiz porty qurylystaryna paıdalanylyp keledi. Astanadaǵy «Nurly jol» temirjol vokzalyna da osy zaýyttyn ónimderi tóselgen, dep jazady Egemen.kz.

Baıan QÝANDYQQYZY

Kásipodaq ókilderi rels shyǵaratyn kásiporyn jumysshylarymen kezdesti

О́ndiriste jańadan engizilgen metall shyńdaý tehnologııasyn qoldaný arqasynda relsterdiń tózimdiligi men beriktigi artqan. Kásiporynnyń tehnologııalyq laboratorııasyn basqaratyn Ádil Álimbaev Qaraǵandy ındýstrıaldy ýnıversıtetiniń túlegi. On jyl buryn oqý ornyn bitirgen boıy zaýytqa tokar bolyp ornalasqan. Qatardaǵy jumysshydan 1 sanattaǵy ınjener-tehnologqa deıin kóterilgen.

Ol kásipodaq federasııasy tóraǵasynyń orynbasary Gúlnara Jumageldınaǵa rels óndirisindegi jańa tehnologııalardy tanystyra otyryp, elimizdiń metallýrgııa salasyn jańartý jóninde usynysyn bildirdi.

«Metallýrgııa kásiporyndary ónim sapasyn arttyrý men ekologııa, eńbek qaýipsizdigin qorǵaýda jetekshi ǵalymdardy tarta otyryp, ǵylymı zertteý jumystaryn júrgizý kerek degen pikirdemin. О́ıtkeni, qazirgi ýaqytta zamanaýı óndiris mindetti túrde ǵylymı sheshimdermen qatar damýy kerek», deıdi Ádil Álimbaev.