Úsh kúnge jalǵasqan kórkem gımnastıka básekesinde 400-den asa sportshy 3 jas erekshelik boıynsha jekeleı jáne toptyq jattyǵý boıynsha jarysty. Sporttyq dodanyń ashylý saltanatynda sóz sóılegen Shymkent qalasy kórkem gımnastıka federasııasynyń Prezıdenti Mýslım Shanazarov qatysýshylarǵa jeńis pen sáttilik tiledi.
«Bul saıysta kil myqty qyzdarymyz baq synaıdy. Jastar birinshiliginiń júldegerleri de topqatúspek. «Kórkem gımnastıka sport kesheninde» jattyǵatyn sportshylar Shymkent qalasynyńabyroıyn asqaqtatady degen senimdemiz. Kórkem gımnastıka erekshe sport. Ol symbattylyq pen sulýlyqty kórsetip qana qoımaı, tózimdilik pen shydamdylyqqa da adamdy tárbıeleıdi» dedi federasııa basshysy.
Jarystyń negizgi kezeńi bastalǵanda kórinis alańyna kórkem sporttyń saıdyń tasyndaı iriktelgen sulýlary jekeleı de, toppen de shyǵyp, birinen biri asyp túsip jatty. Ár qımylyn eppen ıilip, túrli jattyǵý kombınasııalaryn kerilesozylyp jasaǵan jasóspirimderge jáı qarap turýdyń ózi kóz súısinerlik keremet kórinis. Bir syzyqtyń boıynda turǵandaı, aıaq-qoly búgilmeı, artyq-kem júrmeı, qolyndaǵy quralyn qulatyp almasa degen jankúıerler de demin ishterine tartyp otyrdy. Sonymen tórt kúnge sozylǵankórkem sport dodasy úılesimdi dene tárbıesin taǵy bir aıshyqtaǵan keremet báseke boldy.
