Foto: ashyq derekkóz
Quny 5 mıllıon dollardy quraıtyn bul karta sheteldikterge AQSh-qa ınvestısııa salý arqyly azamattyq alý múmkindigin beredi. Karta EB-5 vızasyn almastyryp, ony alǵandar AQSh azamattyǵyn alýǵa úmittene alady.
Tramp Air Force One ushaǵynda jýrnalısterge bul kartanyń aýqatty ınvestorlar úshin úlken múmkindik ekenin aıtyp, onyń satýynan túsken qarajat AQSh-tyń memlekettik boryshyn jabýǵa jumsalatynyn atap ótti. Naýryz aıynda AQSh saýda mınıstri Govard Lıýtnık bir kúnde 1 myń kartanyń satylǵanyn málimdedi.
Prezıdent óz josparyn odan ári jalǵastyryp, 1 mıllıon kartany satýdy kózdep otyr. Bul joba ekonomıkaǵa jańa ınvestısııalar tartýǵa jáne AQSh-tyń qarjylyq jaǵdaıyn nyǵaıtýǵa baǵyttalǵan.
Jańa kartanyń saıası jáne ekonomıkalyq áseri qalaı bolatynyn ýaqyt kórsetedi.
