Suhbat barysynda taraptar saıası, ekonomıkalyq jáne mádenı-gýmanıtarlyq salalardaǵy yntymaqtastyqty keńeıtý boıynsha birqatar mańyzdy máselelerdi talqylady.
Júzdesýde mınıstrler sharttyq-quqyqtyq bazany jetildirý jáne túrli deńgeılerde saparlarmen almasý tájirıbesin damytý boıynsha kúsh-jiger jumsaýǵa daıyn ekenin bildirdi.
«Geografııalyq qashyqtyqqa qaramastan biz senim men teńdikke negizdelgen qarym-qatynas ornatýǵa qyzyǵýshylyq tanytýdamyz. Saýda, kólik jáne logıstıka, densaýlyq saqtaý, aýyl sharýashylyǵy jáne basqa da mańyzdy salalarda jemisti yntymaqtastyqqa zor áleýet bar», dedi M.Nurtileý.
Eske salsaq, Qazaqstan álemdegi eń iri on astyq óndirýshi memlekettiń biri. Kezdesýde elimizdiń transkaspıı halyqaralyq kólik baǵytyn paıdalanyp astyq, dándi jáne maıly daqyldar, joǵary sapaly et jáne organıkalyq ónimderdi Afrıka elderine jetkizýge múddeli ekeni aıtyldy.
Sondaı-aq mınıstrler aqparattyq tehnologııalar jáne sıfrlandyrý salasyndaǵy, onyń ishinde Ortalyq Azııadaǵy eń iri IT startap-park «Astana Hub» bazasyn sóz etti. Byltyr osy salada memorandýmǵa qol qoıylyp, Qazaqstan «KazAID» agenttigi arqyly Serra-Leonemen e-Gov komponenttik elementterimen bólisken edi.
Qazaqstan SIM basshysy óz áriptesine Almatyda Ortalyq Azııa men Aýǵanstan úshin Ornyqty damý maqsattary boıynsha BUU О́ńirlik ortalyǵyn qurý týraly BUU Bas Assambleıasynyń rezolıýsııasyna qoldaý kórsetkeni jáne teń avtory bolǵany úshin alǵysyn bildirdi. Ol Astananyń turaqty damý salasynda ári qaraı yntymaqtastyqqa jáne halyqaralyq bastamalar sheńberinde belsendi serikttestikke daıyn ekenin atap ótti.
Osylaısha taraptar halyqaralyq kún tártibindegi ózekti máseleler jóninen pikir almasyp, túrli deńgeılerde kúsh-jigerdi úılestirýdi jalǵastyrýǵa kelisti.
Kelissózder qorytyndysynda syrtqy saıası vedomstvolardyń basshylary Qazaqstan Respýblıkasynyń Syrtqy ister mınıstrligi men Serra-Leone Respýblıkasynyń Syrtqy ister jáne halyqaralyq yntymaqtastyq mınıstrligi arasyndaǵy yntymaqtastyq jónindegi Jol kartasyna qol qoıdy.
