«Almaty Sý» MKK bas dırektory Ilııas Qazıev О́ńirlik kommýnıkasııalar qyzmetinde ótken brıfıngte málimdegendeı, jobanyń ereksheligi – Talǵar jerasty sýlarynyń ken ornynan kaskadty tásilmen sý berý jáne keri rejimde jumys isteý múmkindigi. Iаǵnı qajet bolǵan jaǵdaıda sýdyń soltústikten ońtústikke qaraı da, keri baǵytta da qozǵalysyn ózgertýge bolady. Bul aýa-raıynyń qatty áserine ushyraǵan Kishi Almaty ózeniniń bastapqy sýynyń sapasyna táýeldilikti joıady. Onda sýdyń sapasy laılanýdyń joǵarylaýyna baılanysty nasharlaǵan.
«Medeý aýdanynyń ońtústik bóliginde sý tapshylyǵyn joıý úshin qala ákimi Erbolat Dosaevtyń tapsyrmasy boıynsha qysqa merzim ishinde sýmen jabdyqtaýdyń jańa rezervtik júıesi quryldy. Ol qalanyń osy bóligine jerasty kózderinen táýligine 32 myń tekshe metr sý berýdi qamtamasyz etti. Iаǵnı Samal, Kóktóbe jáne Taýly qyrat shaǵynaýdandarynyń 50 myń turǵyny qalanyń tómengi bóliginen jiberiletin sýmen qamtamasyz etilýi múmkin», dedi I.Qazıev.
Sol sekildi sorǵy stansalaryn, taza sý rezervýarlaryn jáne magıstraldyq jelilerdi qaıta jańartý jáne salý boıynsha jumystar oryndaldy. Bul shaǵynaýdannyń batys jáne shyǵys jaǵynda taratýshy ınjenerlik jelilerdi salý jobasy qosymsha iske asyrylatyn Kamenskoe ústirti aýdanyna turaqty sý berýdi qamtamasyz etedi. Sondaı-aq Kólsaı shaǵyn aýdany ortalyqtandyrylǵan sýmen jabdyqtaýmen qamtylǵan.
