Foto: Májilistiń baspasóz qyzmeti
Depýtattyń aıtýynsha shaǵyn jáne orta bıznes (ShOB) úshin arnaıy salyq rejımi saqtalyp, rejımge jatatyn qyzmet túrleriniń tizbesi keńeıtildi.
«Bastapqyda ekonomıkalyq qyzmet túrleriniń jalpy jikteýishiniń (EQJJ) 40 túriniń shekteýli tiziminen 1,7 mıllıonǵa jýyq kásipker men 4,5 mıllıon adam zardap shegýi múmkin edi. Eger biz oǵan qol jetkizbesek, bıznes «jalpy rejımde» bolyp, qazirgideı aınalymnan 2% emes, korporasııalyq tabys salyǵy (KTS) - 20%, QQS - 16%, áleýmettik salyq - 11% jáne basqa da mindetti tólemderdi tóleıtin edi. Bul shaǵyn bıznesti joıyp, myńdaǵan kompanııalar kóleńkege keter edi nemese jabylar edi», dedi A.Hodjanazarov.
Májilis depýtatynyń aıtýynsha arnaıy salyq rejımi (SNR) úshin tabys shegi 2,3 mlrd teńgege deıin ulǵaıtyldy, bul – kásipkerlerge aıtarlyqtaı úlken aınalym kólemine deıin jumys isteýge múmkindik beredi.
«200 adamdy jumyspen qamtýdy shekteý alynyp tastalady, endi jumysshylar sany boıynsha jasandy tóbe joq jáne bıznes rejımge qoljetimdiligin joǵaltpaı, erkin ósýi múmkin. Osy sharalardyń barlyǵy – dıalogtyń nátıjesi», dedi depýtat.
Eske salaıyq, Memleket basshysy Joldaýynda: «Aǵymdaǵy kezeńde eń mańyzdy mindet – eldiń berik ónerkásiptik qańqasyn qalyptastyrý, ekonomıkalyq ózin-ózi qamtamasyz etý. Sondyqtan óńdeýshi sektordy jedel damytýǵa basa nazar aýdarý kerek», dep aıtqany málim.
Aıdarbek Asanuly óńdeýshi ónerkásipke arnalǵan jeńildikter týraly da faktiler keltirdi.
«Sektordyń jalpy ishki ónimdegi (JIО́-degi) úlesi 2000 jylǵy 16,5% -dan 2024 jyly 12% -ǵa deıin tómendedi.
О́ńdeýshi ónerkásiptiń negizgi kapıtalyna ınvestısııalar - 1,6 trln teńge ǵana, bul barlyq ınvestısııalardyń 9,4% -yn quraıdy. Bul úlken ósý úshin jetkiliksiz. Álemdegi birde-bir ekonomıka JIО́-niń keminde 25% -yn negizgi kapıtalǵa salmaı, «keremet» ósý qarqynyna qol jetkizgen joq.
Úkimet ınvestorlar úshin salyq zańnamasynyń turaqtylyq qaǵıdatyn saqtaı otyryp, durys jáne jaýapty ustanymdy kórsetedi, bul ásirese azyq-túlik qaýipsizdigi men elimizdiń ózin-ózi qamtamasyz etýi úshin túıindi salalardyń biri – tamaq ónerkásibi sııaqty strategııalyq salalarda erekshe mańyzdy.
Sondyqtan Úkimetti óz ustanymyn qorǵaýda dáıektilik pen tabandylyq tanytýǵa shaqyramyz», dedi depýtat A.Asanuly.
Sonymen qatar, Aıdarbek Hodjanazarov bank sektoryna salyqtyq jeńildikter boıynsha túzetý usynysy atalǵan partııadan ǵana emes, azamattardan da kelip otyrǵanyn aıtty.
«Adamdar ádil túrde bankter mıllıardtaǵan tabys tabatynyn, alaıda, shaǵyn bıznes uzaq merzimdi ári arzan nesıe ala almaıtynyn aıtyp jatyr. 2024 jyly bankter 3 trln teńge tabys tapty, al 2020-2022 jyldary qarjy sektoryna salyqtyq jeńildikterden bıýdjet shyǵyny 5,1 trln teńgeni qurady. Sol sebepten Úkimettiń bankter úshin korporasııalyq tabys salyǵy (KTS) mólsherin kóterý jónindegi usynysyn durys dep sanaımyz», dedi depýtat.
Sondaı-aq depýtat qosymsha usynystaryn da aıtty:
«Memlekettik qaǵazdardan túsetin tabystar boıynsha salyq jeńildikterin alyp tastaý, Olardyń paıdasynyń 10% - yn shaǵyn jáne orta bıznes (ShOB) jeńildikti kredıtterine 5% - ben baǵyttaý. Bul búkil ekonomıka men halyqtyń múddesi úshin ádil sheshim bolady», dedi Májilis depýtaty Aıdarbek Hodjanazarov.
Sonymen qosa, depýtat A.Asanuly qazirgi ýaqytta ekologııalyq turǵyda birqatar negizgi usynystar boıynsha kelissózder júrgizilip jatqanyn, ıaǵnı, áli usynylmaǵan bastamalar týraly da aıtty.
