Is-sharaǵa Qostanaı oblysy PD bastyǵy Erlan Faızýllın, oblys prokýrorynyń birinshi orynbasary Baýyrjan Bekbosynov, qylmystyq ister jónindegi mamandandyrylǵan aýdanaralyq sottyń tóraǵasy Joldybaı Metaev, oblys ákimi apparaty basshysynyń m.a. Álfııa Musabaeva, Z.Aldamjar atyndaǵy Qostanaı áleýmettik-tehnıkalyq ýnıversıtetiniń birinshi prorektory Dastan Bekov, oblystyq psıhıkalyq densaýlyq ortalyǵynyń psıholog-narkology Gúlsim Bısimbaeva qatysty.
Quzyrly organdardyń ókilderi jastarǵa esirtkiniń zańsyz aınalymyna qatysty qylmys staıstıkasy jóninde málimet berip, atalǵan qylmystyń jazasy aýyr ekenin aıtty. Sondaı-aq, naqty mysaldar keltire otyryp, esirtki zattarynyń adam densaýlyǵyna keltiretin zııany jóninde áńgimeledi.
Ashyq dıalog barysynda stýdentter esirtkimen kúresý úshin qandaı sharalar qabyldanady, nashaqorlyqtyń aldyn alýǵa jastar qandaı úles qosa alady degen sııaqty birtalaı saýalǵa tolymdy jaýap aldy.
Jıyn barysynda «Esirtkige qarsy úzdik beınerolık» shyǵarmashylyq baıqaýynyń qorytyndysy shyǵaryldy. Qazylar alqasynyń sheshimimen úshinshi oryndy Qaztutynýodaǵy Qostanaı joǵary kolledjiniń stýdenti Denıs Nıkıtın, ekinshi oryndy Qostanaı ındýstrıaldy pedagogıkalyq kolledjiniń stýdenti Nıkıta Gırsh, birinshi oryndy Polıtıhnıkalyq Joǵary kolledjdiń stýdenti Olga Sabakar aldy. Júldegerler estelik syılyqtarmen jáne gramotalarmen marapattaldy.
Forým aıasynda qazirgi tańda qylmysqa qarsy kúreste qoldanylatyn arnaıy tehnıka, krımınalıstıkalyq zerthana qurylǵylary, qarý-jaraq úlgileriniń kórmesi ashyldy.
Qostanaı oblysy
