Avtorlyq quqyq «KEGOC» AQ-ǵa tıesili
«KEGOC» kompanııasynyń qaramaǵynda myńdaǵan shaqyrymdy quraıtyn joǵary kerneýli elektr jelileri bar. Dálirek aıtqanda, Ulttyq elektr torabyn quraıtyn, uzyndyǵy shamamen 27 myń shaqyrymnan astam 220–1150 kV kerneýli elektr jelileri men 83 qosalqy elektr stansasy úzdiksiz jumys isteıdi. Bul elektr jelisiniń senimdi jumys isteýi úshin kompanııa jyl saıyn jóndeý-paıdalaný jumystaryn júrgizedi.
Naýryz meıramy qarsańynda «KEGOC» AQ basqarma tóraǵasynyń orynbasary Baqythan Jazyqbaevtyń tóraǵalyǵymen ótken eńbek qaýipsizdigi jáne qaýipsizdik tehnıkasy boıynsha jınalysta ótken kezeńdegi jumystar qorytyndylanyp, kezekti maýsymǵa daıyndyq barysy pysyqtaldy.
«KEGOC» AQ ujymynyń úılesimdi jumysynyń nátıjesinde, 2024-2025 jyldardaǵy kúzgi-qysqy kezeńdi oıdaǵydaı sátti ótkerdik. Elimiz qatań kontınenttik klımatymen erekshelenedi, qysy sýyq, jazy ystyq. Iаǵnı kúzgi-qysqy kezeń – energetıkterdiń biliktiligi men daıyndyǵy synalatyn ýaqyt. Jyldar boıy jınaqtalǵan tájirıbe ben bilimniń arqasynda bul jolǵy qıyn kezeńdi de sátti aıaqtadyq. Bir atap óterligi, bıyl aldyńǵy kezeńmen salystyrǵanda tehnologııalyq buzýshylyqtar sany 54%-ǵa azaıdy. Bul – 39 jaǵdaı 18 jaǵdaıǵa deıin qysqardy degen sóz. Al elektr energııasyn tolymsyz bosatý kólemi 2,5 paıyzǵa azaıdy», dep atap ótti Baqythan Jazyqbaev.
Bıyl da kún jylyna salysymen, sáýir aıynan bastap «KEGOC» energetıkteri kezekti jóndeý naýqanyna kiristi. Ásirese ońtústik aımaqtarda jóndeý jumystary qarqyndy júrgizilip jatyr.
«KEGOC» AQ elektr jelilerin 2025-2026 jyldardaǵy kúzgi-qysqy kezeńge daıyndaý úshin bıyl 99 elektr jelisi men 43 qosalqy stansasy jabdyǵyna jóndeý jumystaryn júrgizý josparlanyp otyr. Jóndeý jumystary bekitilgen jabdyqtar men áýe jelilerin ajyratý kestelerine sáıkes júrgiziledi.
«Eń aldymen óndiristik qaýipsizdikti arttyrýǵa basa nazar aýdaramyz. «KEGOC» kompanııasynda eńbekti qorǵaýdyń tıimdi júıesi qurylǵan. Oǵan basshylardyń «Health & Safety» salasyndaǵy jeke jaýapkershiligi de kiredi. Bul júıe qyzmetkerlerge qaýipti jaǵdaılar anyqtalǵan jaǵdaıda jumysty toqtatý quqyǵyn beredi. Sonyń nátıjesinde jaraqattaný jáne ólim-jitim kórsetkishteri aıtarlyqtaı tómendedi. Al keıingi 15 jylda birde-bir órt oqıǵasy tirkelgen joq. Bul sózimizge dálel, keıingi jyldary «KEGOC» óndiristik qaýipsizdik salasynda «Samuryq-Qazyna» AQ portfeldik kompanııalary arasynda kóshbasshylardyń qatarynda keledi», deıdi Baqythan Jazyqbaev.
«KEGOC» bıylǵy jóndeý jumysyn qazan aıyna deıin aıaqtaýdy josparlap otyr. Jóndeý jumysynyń qorytyndysy men kezekti jylytý maýsymyna daıyndyǵyn rastaıtyn pasport beriledi. Resmı qujatty ýákiletti organ – Energetıka mınıstrliginiń Atomdyq jáne energetıkalyq qadaǵalaý men baqylaý komıteti tabystaıdy. Bul kompanııanyń qysqy maýsymǵa daıyndyǵyn kórsetedi.
