Aýdandyq prokýratýra qyzmetkerleri júrgizgen zerdeleý jumysynyń nátıjesinde jergilikti atqarýshy organ qyzmet kórsetýdiń tıisti deńgeıin qamtamasyz etpegeni anyqtalǵan.
«12.02.2025 jyly aýdan ákimdiginiń jumyspen qamtý jáne áleýmettik baǵdarlamalar bólimi «múmkindigi shekteýli adamdardy tasymaldaý qyzmetin kórsetý boıynsha» shart jasasyp, onda ınvataksı tek jumys kúnderi jáne 8 saǵat ishinde jumys isteıtinin kórsetken. Mundaı shart talaptary qoldanystaǵy zańnamaǵa qaıshy keledi jáne múgedektigi bar adamdardyń quqyǵyn buzýǵa ákep soǵady», delingen oblystyq prokýratýranyń baspasóz qyzmeti taratqan málimette.
Derekke sensek, prokýrorlyq qadaǵalaý aktisiniń nátıjesinde ınvataksıdiń jumys kestesi qaıta qaralyp, zań talabyna sáıkestendirilgen. Endi demalys jáne mereke kúnderin qosa alǵanda, qyzmet táýlik boıy qoljetimdi. Osylaısha prokýrorlar aýdanddyń erekshe qajettiligi bar 2 myńnan astam azamatynyń quqyǵyn qorǵap qaldy. Al, zańǵa shekeden qaraǵan laýazymdy azamat tártiptik jaýapkershilikke tartyldy.
