Kezekti kezdesý Germanııa astanasynda Qazaqstan Respýblıkasy Syrtqy ister mınıstriniń orynbasary Roman Vasılenkonyń jáne Germanııa Federaldyq úkimetiniń qonys aýdarýshylar jáne ulttyq azshylyqtar isteri jónindegi ýákili, Germanııa Býndestagynyń depýtaty Natalı Pavlıktiń tóraǵalyǵymen ótti.
ÚAK otyrysynyń kún tártibine bilim berý, nemis tilin qoldaý, mádenıet, ǵylym, jastar saıasaty, muraǵat isi sııaqty salalaryndaǵy yntymaqtastyq, sondaı-aq iskerlik baılanystardy damytý jáne vıza rejımin jeńildetý máseleleri engizildi.
Kelissózder barysynda qazaqstandyq nemisterdiń ulttyq biregeıligin qoldaýǵa baǵyttalǵan birlesken jobalardy iske asyrýǵa erekshe nazar aýdaryldy.
Taraptar 2024 jyly Eýrazııa ulttyq ýnıversıtetinde Nemis tili men mádenıeti ortalyǵynyń jáne Almaty energetıka jáne baılanys ýnıversıtetinde Anhalt qoldanbaly ǵylymdar ýnıversıteti fılıalynyń ashylýyn quptady. Sondaı-aq, Astanadaǵy Qazaq-Nemis ortalyǵynyń, Almatydaǵy Qazaq-Nemis ýnıversıtetiniń, Aqtaýdaǵy Qazaq-Nemis turaqty ınjenerııa ınstıtýtynyń, Respýblıkalyq akademııalyq nemis drama teatrynyń jáne basqa da qurylymdardyń eki el arasyndaǵy yntymaqtastyqty damytýǵa qosqan mańyzdy úlesin atap ótti.
Mınıstriń orynbasary óz sózinde: «Qazaq jeri dástúrli túrde Batys pen Shyǵysty baılanystyratyn kópir. Al Qazaqstandaǵy nemis dıasporasy men Germanııadaǵy burynǵy otandastarymyz Qazaqstan men Germanııa arasyndaǵy «jandy kópir» ǵana emes, sonymen qatar ekijaqty qarym-qatynastardyń bolashaǵyna berik negiz», dep atap ótti.
Ol sondaı-aq ártúrli ult ókilderiniń ortaq áleýmettik-mádenı keńistikte beıbit qatar ómir súrýi úshin qolaıly jaǵdaı jasaý Qazaqstan Úkimetiniń basty mindetteriniń biri ekenin aıtty. Bul rette bıyl qurylǵanyna 30 jyl tolatyn Qazaqstan halqy Assambleıasy erekshe ról atqaratyny atalyp ótti.
О́z kezeginde, Býndestag depýtaty Germanııa Úkimeti Qazaqstanda turatyn etnıkalyq nemisterdi jan-jaqty qoldaýdy jalǵastyratynyn rastady. «Qazaqstan men Germanııa arasyndaǵy yntymaqtastyqtyń qarqyndy damýyn, sonyń ishinde Qazaqstandaǵy etnıkalyq nemisterge kórsetilip otyrǵan qoldaýdy jáne olardyń ekijaqty qatynastardy odan ári tereńdetýde mańyzdy rólin taǵy da atap ótkim keledi», - dedi N.Pavlık.
Taraptar Qazaqstandaǵy etnıkalyq nemisterdi keshendi qoldaý jónindegi sharalardy josparly túrde júzege asyrýdy jalǵastyrýǵa kelisti jáne bul mindetter kezdesýdiń qorytyndysy boıynsha qol qoıylǵan Kommıýnıkede bekitildi.
Sonymen qatar, Berlınge sapary aıasynda R.Vasılenko Germanııa Býndestagynyń depýtaty Shtefan Roýenhoffpen jáne Germanııa Syrtqy ister mınıstrliginiń Ortalyq Azııa, Shyǵys Eýropa jáne Kavkaz elderi jónindegi ýákili Konrad Ars fon Shtraýssenbýrgpen kezdesti. Kezdesýler barysynda taraptar ekijaqty yntymaqtastyqtyń qazirgi jaı-kúıi men odan ári damýynyń keleshegin talqylap, jahandyq jáne óńirlik kún tártibi boıynsha pikir almasty.
Qazaqstan Respýblıkasynda turatyn etnıkalyq nemister máseleleri jónindegi Úkimetaralyq komıssııa Qazaqstan Respýblıkasy Úkimeti men Germanııa Federatıvtik Respýblıkasy Úkimeti arasyndaǵy Qazaqstan Respýblıkasy azamattarynyń nemis ultyn qoldaý jónindegi yntymaqtastyq týraly 1996 jylǵy 31 mamyrda Almaty qalasynda qol qoıylǵan kelisimge sáıkes qurylǵan.
Statıstıkalyq derekterge sáıkes, Qazaqstanda 226 myń etnıkalyq nemis, al Germanııada Qazaqstannan qonys aýdarǵan shamamen 1 mıllıon nemis turady.
