Foto: Úkimettiń baspasóz qyzmeti
Taraptar qoldanystaǵy birlesken jobalardy iske asyrýdy, KPI alǵashqy polıpropılen zaýyty jumysy men qýattylyǵy jylyna 1,25 mln tonna ónim óndiretin iri polıetılen keshenin salý aıasynda otandyq munaı-gaz hımııasyn damytý perspektıvalaryn talqylady. Sondaı-aq Qarashyǵanaq ken ornynda qýattylyǵy jylyna 4,5 mlrd tekshe metr shıki gaz óndiretin jańa gaz óńdeý zaýytyn salý máseleleri qaraldy.
Aıta keteıik, teńiz ken ornynda Keleshek keńeıtý jobasyn (KKJ) iske asyrýǵa nazar aýdaryldy.
Oljas Bektenov ishki qosylǵan qundy ulǵaıtýǵa baǵdarlanǵan Teńiz bazasynda ónerkásiptik klasterdi damytý arqyly jergilikti qamtýdy odan ári ulǵaıtý qajettigin atap ótti. Bul shaǵyn jáne orta bıznestiń damýyna úlken serpin beredi. Energetıka mınıstrliginiń usynymdaryn eskere otyryp, Teńiz qorlaryn utymdy ıgerý úshin jobalyq sheshimderdi ózektendirý, sondaı-aq ónerkásiptik qaýipsizdiktiń joǵary deńgeıin qoldaý jónindegi baǵdarlamany daıyndaý qajettiligi atap ótildi.
Sondaı-aq munaı tasymaldaý baǵyttaryn ártaraptandyrý jáne energoresýrstardy jetkizýdiń jańa tizbekterin qurý máseleleri talqylandy.
