Mámile quny – 1,1 mlrd dollar. Bul somaǵa kompanııanyń barlyq aktıvterimen qatar, onyń mindettemeleri de kiredi. KASE saıtynda jarııalanǵan esepte «Qazaqtelekom» 2025 jylǵy qańtarda MTS-tiń 100% úlesin satqanyn rastaıdy. Mámile qunynyń bir bóligi – shartty syıaqy retinde belgilengen.
Satýǵa shyǵarylǵan aktıvterdiń jalpy quny – 577,3 mlrd teńge. Onyń ishinde 167,4 mlrd teńge – kompanııanyń túrli mindettemeleri nesıeler, jalǵa alý aqysy, salyqtar, sýbsıdııalar men bereshekteri bar. Byltyrǵy jyldyń qorytyndysynda, «Mobaıl Telekom-Servıs» 161,2 mlrd teńge tabys tapqan. Bul – aldyńǵy jylmen salystyrǵanda 38,4% artyq. Alaıda kompanııanyń taza tabysy 22%-ǵa tómendep, 53 mlrd teńgeni qurady.
Qatarlyq ınvestor kim? Altel men Tele2 brendteriniń jańa ıesi – Power International Holding (PIH) – Qatardaǵy eń iri jeke holdıngterdiń biri. Onyń quramynda energetıka, qurylys, ónerkásip, telekommýnıkasııa, aýyl sharýashylyǵy, taǵam óndirisi, jyljymaıtyn múlik jáne ómir salty salalary bar. 2024 jylǵy 4 maýsymda «Qazaqtelekom» PIH Interconnect Ltd kompanııasymen kelisimshartqa qol qoıdy. Keıin, qarashada qujatqa ózgeris engizilip, satyp alýshy retinde PIH Communication LLC kórsetildi.
