Saltanatty is-sharaǵa Qyrǵyz Respýblıkasynyń Almatydaǵy Bas konsýly Jenıshbek Asankýlov ta qatysyp, baýyrlas elder basshylary Qasym-Jomart Toqaev pen Sadyr Japarovtyń ár salada yntymaqtastyqty arttyrý saıasatynyń jemisti júrgizilip jatqanyn atap ótti.
«Ejelden enshisi bólinbegen eki eldiń BAQ salasyndaǵy baılanysy óte mańyzdy. Jahandanǵan dáýirde eń jaqyn baýyr ári kórshi elmen ásirese, aqparat salasyndaǵy birlik, túsinistik pen qoldaýdy arttyrý zaman talaby. Bir-birimizden úırenetin ári bir-birimizge úıretetin dúnıeler kóp», dedi «Alatau-Aqparat» medıaholdınginiń bas dırektory Erjan Qalymbaıuly.
О́z kezeginde Qyrǵyz ulttyq “Kabar” aqparattyq agenttiginiń dırektory Mederbek Shermetalıev alda birlese atqarar mańyzdy jobalardy jasaý kerektigine toqtaldy.
Memorandýmda baýyrlas elderdiń aqparat salasynyń yntymaqtastyǵy men áriptestigin arttyrý kózdelgen. Sondaı-aq qujatta taraptardyń ózara aqparat pen tájirıbe almasý, birlese ortaq jobalar jasaý, sonymen qatar, eki eldiń BAQ ókilderine arnap dóńgelek ústelder, konferensııalar t.b. is-sharalardy uıymdastyrý qarastyrylǵan.
«Kabar» aqparattyq agenttigi 1937 jyly qurylǵan. Qyrǵyzstan ǵana emes, Ortalyq Azııa boıynsha qyrǵyz, orys, aǵylshyn, arab, túrik jáne qytaı tilderinde aqparat taratady.
2020 jyly qurylǵan «Alatau-Aqparat» medıaholdınginiń quramyna 1936 jyldan shyǵyp kele jatqan «Vechernıı Almaty», 1988 jyldan shyǵyp kele jatqan «Almaty Aqshamy» gazetteri men aqshamnews.kz, vecher.kz jáne alnews.kz aqparatyq resýrstary kiredi.
