Katamaran týrısterdi serýendetýge arnalǵan qarapaıym sý kóligi bolatyn. Alaıda ol syrt kózge aqqýǵa uqsas etip jasalǵandyqtan, Petra ony tiri dep qabyldaǵan. Bir qyzyǵy, qara aqqý katamarannyń qasynan bir eli alystamaǵan. Meıli júzip júrgende de, meıli jaǵada turǵan sátte de. Tipti katamaranǵa jaqyndamaq bolǵan adamdarǵa yzalanyp, olardy qýyp tastaýǵa tyrysqan eken.
Qys túsken kezde sý qoımasy qatyp qalǵandyqtan, jergilikti bılik Petra men katamarandy Mıýnster zoobaǵyna aýystyrypty. Ondaǵy mamandar Petrany basqa aqqýlarmen tanystyryp, juptastyrýǵa tyrysqanymen qara aqqý olardyń eshbirine nazar aýdarmaǵan.
Keler jyly qos «ǵashyq» qaıtadan ózenge oralady. Biraq keıinnen ol kózden tasa bolyp ketedi. Ornıtologtar ony uzaq izdep, ábden ábigerge túsedi. Tek 2013 jyly Petra óte álsiregen kúıde tabylyp, zoobaqta em alyp, kútimge alyndy. Bul joly sáttilik serik bolyp, oǵan tiri aqqýlar arasynan jup tabylady. Endi onyń mahabbat jolyndaǵy aýyr da qyzyqqa toly hıkaıasy jurtqa ertegideı estiletin boldy.
Ádette qos ǵashyqqa aqqýdyń mahabbatyn tilep jatamyz. Minekeı, olardyń arasynda osyndaı da mahabbat bolady eken...
