Memleket basshysynyń alǵysy jazylǵan hatty balaqaıǵa oblysy ákimi Serik Shápkenov tapsyrdy. Onyń ata-anasymen kezdesip, kishkentaı janashyrǵa velosıped syılady.
«Prezıdenttiń «Taza Qazaqstan» bastamasy ýaqytsha is-shara emes, ár azamattyń kúndelikti atqaratyn isine aınalyp otyr. Keıde kóp sózden góri osyndaı naqty qadamnyń áseri ózgeshe bolady. Dinmuhammed áli de oıyn balasy bolsa da, onyń áreketi, kishkentaı balaqaıdyń shashylǵan qoqys jınaǵany barshaǵa oı saldy. Bul – otbasyndaǵy tálimdi tárbıeniń jemisi, naǵyz otansúıgishtiktiń úlgisi», dedi S.Shápkenov.
Balaqaıdyń ákesi Erjan Haıroshevtyń aıtýynsha, turǵyndardyń biri ulyn beınejazbaǵa túsirip, áleýmettik jelige júktegen.
«Biz ózimiz turatyn shaǵyn aýdanda Oraza aıt meıramyn keń kólemde toıladyq. Sodan keıin ulymyz qoqys jınaýǵa kómektesti. Onyń bul áreketi eldiń yqylasyna bólenedi dep oılamadyq. Ulymyzdyń tili kesh shyqty. Qazir balabaqshaǵa baryp júr. Balabaqshadan úırengeni de bar shyǵar. О́z otbasymyzda da tazalyqqa mán beremiz. Senbilikterden qalmaımyz. Men ulymnyń eldiń patrıoty bolyp erjetkenin qalaımyn», deıdi E.Haıroshev.
Atyraý oblysy
