Atap aıtsaq, fýtboldan erler arasyndaǵy dodaǵa qatysatyndardyń sany 16-dan 12-ge deıin qysqarsa, áıelder komandasy 12-den 16-ǵa artady. Sý dobynan burymdylar básekesinde burynǵydaı 10 emes, 12 ujym baq synaıdy. Bokstan qyzdar jeti salmaq dárejesinde kúsh synasady. Sońǵy Olımpıadada olar alty salmaqta saıysqa tústi.
Jeńil atletıkaǵa 4h100 metrlik aralas estafeta qosylady. 3h3 basketboldan erler men áıelderdiń komandasy 8-den 12-ge deıin kóbeıedi. Osyǵan deıin tek klassıkalyq sadaq atýdan jarystar ótse, endi Olımpıada baǵdarlamasyna kompaýnd túrinen aralas saıys qosyldy. Quzǵa órmeleýden ár jattyǵý boıynsha (boýlderıng, jyldamdyq, qıyndyq) júldeler jeke sarapqa salynady. Sondaı-aq, golf, ústel tennısi jáne sporttyq gımnastıkada da qosymsha júlde jıyntyǵy taratylady.
