Qazirgi kezde Hyundai Trans Kazakhstan jeńil avtokólikterin óndiretin tolyq sıkldi zaýyt aýqymdy jańǵyrtý baǵdarlamasyn aıaqtap, nátıjesinde eńbek ónimdiligin aıtarlyqtaı arttyrýǵa jáne óndiristiń oqshaýlaý deńgeıin tereńdetýge múmkindik beretin dánekerleý, boıaý jáne jınaqtaý sehtaryna robottandyrylǵan ýchaskeler iske qosyldy.
Hyundai Trans Kazakhstan dırektorynyń óndiris jónindegi orynbasary Erbol Qasymqanotyń aıtýynsha, zaýytta 11 ónerkásiptik robot ornatylyp, óndiristik jeliler keńeıtildi, jumys oryndarynyń sany artty. Bıyl kásiporyn qyzmetkerler sanyn 1600 adamǵa jetkizý kózdelip otyr.
Jalpy aýdany 100 myń sharshy metrdi quraıtyn avtokomponentter tehnoparki avtokólik oryndyqtaryn shyǵaratyn zaýyt, mýltımedııalyq júıeler zaýyty jáne logıstıkalyq hab sııaqty úsh negizgi nysannan turady.
Búginde qalanyń avtoóndiris klasterin damytýǵa salynǵan ınvestısııa kólemi 64 mlrd teńgeden asty. Bul otandyq avtoónerkásiptiń turaqty ekojúıesin qalyptastyrýǵa, jańa jumys oryndaryn ashýǵa, shaǵyn jáne orta bıznesti damytýǵa, sondaı-aq bilikti ınjener mamandardy daıarlaýǵa zor serpin beretini anyq. Avtoónerkásipti damytý elimizdi ındýstrııalandyrýdyń basym baǵyttarynyń biri. Zamanaýı jobalardy júzege asyrý elimizdiń ónerkásiptik áleýetin nyǵaıtyp, tehnologııalyq ilgerileýge jol ashady.
ALMATY
