О́shpes dańq • 17 Sáýir, 2025

Maıdangerdiń jeke zattary mýzeıge tabystaldy

0 ret

kórsetildi

1 mın

oqý úshin

QR Qarýly kúshteri Ulttyq áskerı-patrıottyq ortalyǵynyń Áskerı-tarıhı mýzeıinde QR Parlamenti Májilisiniń depýtaty Pavel Kazansev, Ýdmýrt Respýblıkasynyń delegasııasy, Reseı Federasııasynyń Qazaqstandaǵy elshiliginiń ókilderi, QR Qarýly kúshteriniń ardagerleri jáne sarbazdyń týystarynyń qatysýymen qyzyl áskerdiń jeke zattaryn tabystaý rásimi ótti, dep habarlaıdy Egemen.kz.

Shyńǵys MUQAEV

Maıdangerdiń jeke zattary mýzeıge tabystaldy

Foto: Qorǵanys mınıstrligi

Lenıngrad oblysynyń Tosnensk aýdanyndaǵy ekspedısııa barysynda ýdmýrtııalyq «Dolg» qoǵamdyq uıymynyń izdeýshileri qaza tapqan sarbazdyń súıekteri men jeke zattaryn taýyp, medalonnyń Omby oblysy Qırat aýylynyń týmasy 1943 jyly jeltoqsanda habar-osharsyz ketken 1907 jyly týǵan Tóken Mendishevke tıesili ekenin anyqtaǵan.

QR Qorǵanys mınıstrliginiń baspasóz qyzmetiniń málimdeýinshe 2024 jyldyń 10 mamyrynda qyzyl ásker Tóken Meńdishevtiń jáne taǵy 194 jaýyngerdiń súıegi Lenıngrad oblysy Tosnensk aýdany Chýdskaıa bor aýylynyń janyndaǵy memorıaldyq zıratta baýyrlastar qabirine jerlengen eken. Sarbaz qaza tapqan jerge eskertkish belgi ornatylǵan.

Sarbazdyń barlyq tabylǵan zattaryn: patrondarǵa arnalǵan sómke, qasyq, sirińke, ustara, túımeler, ilmek, juldyzsha, SVT myltyǵynyń kilti, medalon jáne kapsýlaly blankini Meńdishevter otbasy QR Qarýly kúshteriniń Áskerı-tarıhı mýzeıine tapsyrdy.