Shemonaıha qalasynda 13 gaz taratý qondyrǵysy jumys isteıdi. Olar 46 ballonǵa gaz jetkizedi. Atalǵan 37 kópqabatty turǵyn úıdi gazben osy qondyrǵylar qamtamasyz etedi. Alaıda, ákimdik derekteri boıynsha, qazirgi ýaqytta 1040 páterdiń tek az bóligi ǵana gazdy paıdalanyp otyr. Gaz qubyrynyń uzyndyǵy 5,5 km. Júıeni «KAPAN» О́KF JShS negizinde qyzmet kórsetedi.
Tekserý nátıjesinde qysymdy 20%-ǵa tómendetý arqyly 2025 jylǵy 1 mamyrǵa deıin ýaqytsha paıdalaný ruqsat etildi jáne gaz ballondary men metall qubyrlardy tolyqtaı polıpropılenge aýystyrý usynyldy.
Aýdan ákimdiginde atap ótkendeı, tehnıkalyq tekserý nátıjesinde qysym rettegishterdiń aqaýlary sııaqty kóptegen buzýshylyqtar anyqtalǵan. Mamandardyń qorytyndysy boıynsha, júıeni qazirgi kúıinde ári qaraı paıdalaný turǵyndardyń qaýipsizdigine qater tóndiredi.
Qazirgi ýaqytta Shemonaıha aýdanynyń ákimdigi túpkilikti sheshim qabyldaý úshin QR Tótenshe jaǵdaılar mınıstrligine qarasty О́nerkásiptik qaýipsizdik komıteti departamentiniń qatysýymen qoldanystaǵy gaz qubyrlaryn qosymsha zertteý máselesin qarastyryp jatyr.
