«Bozjyra» saıahat ortalyǵynyń qurylysy bastaldy

Gazetimizdiń ótken sandarynyń birinde (7 naý­ryz 2025 jyl) Mań­­ǵystaýda atalǵan oryndarda saıahat ıakı vızıt ortalyǵy saly­natynyn habarlaǵan edik. Sáýirdiń samala kún­de­riniń birinde «Bozjyra» shatqalynda jańa týrıstik jobanyń qazyǵy qaǵylyp, qurylys jumystary bastaldy.

– Memleket basshysy Qasym-Jomart Toqaev Bozjyra sekildi tarıhı, kórikti oryn­darda týrızmdi damytý týraly naq­ty tapsyrma bergen bolatyn. Osy bas­tamanyń alǵashqy qadamy jasalyp jatyr. Mundaı sulýlyǵy kóz tartar mekender álemde sanaýly ǵana. Biz tarıhı tamyryn saqtaı otyryp, bul jerdi zamanaýı týrıstik ortalyqqa aınaldyrýdy kózdep otyrmyz. Týrıster úshin qolaıly jaǵdaı jasaý bir mindet bolsa, negizgi maqsatymyz – jergilikti tur­ǵyndardyń bul jobanyń ıgiligin kó­rýine múmkindik jasaý. Jaqyn mańdaǵy eldi meken tur­ǵyndary aýylsharýashylyq ónimderin satyp, qosymsha tabys taba alady. Bul joba aımaqtyń týrıstik áleýetin damytyp qana qoımaı, óńir ekonomıkasyna oń serpin beredi dep senemiz, – dedi vızıt-ortalyqtyń irge­tasyn qalaý is-sharasyna arnaıy barǵan Mań­ǵystaý oblysynyń ákimi Nurdáýlet Qılybaı.

Turǵyndardy alańdatqan basty másele kórikti nysannyń tabıǵı qal­pyna nuqsan kelýi jáne ekologııalyq ózgeristerdiń oryn alýy máseleleri edi. О́ńir basshysy da, keshen qurylysyn jeke qarajatyna júrgizetin otandyq «Pana Asia» JShS bas­shylyǵy da bul suraqtarǵa naqty jaýap berdi. Aıtýlarynsha, túpnusqaǵa nuqsan kel­meıdi jáne ekologııalyq talaptar saq­talady. «Vızıt-ortalyq qorshaǵan ortaǵa zııan keltirmeıtindeı etip jobalanǵan. Bıo­logııalyq tazartý júıeleri, qoqysty suryptap jınaý, kún energııasyn paıdalaný syndy sheshimder kózdelip otyr. Týrısterge barlyq jaǵdaı jasaý – basty maqsatymyz. So­nymen qatar qazaqtyń ulttyq taǵamdary men qundylyqtaryn nasıhattaýǵa da mán beremiz», deıdi joba jetekshisi Sáýle Jańabaeva.

Jobada 17 glempıng pa­vılony, 50 qo­na­q­úı ból­mesi, jalpy aýmaǵy ­450 shar­­shy metr bolatyn vı­zıt-ortalyq pen etno-kafe qaras­tyrylǵan. Za­manaýı úlgide salynatyn vızıt-ortalyqta saıahat­taýshylarǵa barlyq jaǵdaı qarasty­ry­lady. Munda kelýshiler ortalyǵy, etno-dámhana men glempıngter boı kótermek.

О́ńirdiń týrıstik áleýetin damytýǵa baǵyttalǵan keshen 2027 jyly paı­dalanýǵa beriledi dep josparlanyp otyr. Sonymen qatar Bozjyra shat­qalyna barar jolda ornalasqan jol boıynda qyzmet kórsetý ortalyǵynyń qu­rylysy da júrip jatyr. Aýmaǵy 12 gek­tardy qamtıtyn nysanda týrıs­terge arnalǵan aqparattyq taqtalar, qoǵamdyq tamaqtaný orny men shaǵyn demalys qalashyǵy qarastyrylǵan bul nysan 2026 jyly qoldanysqa berilmek.

Sol kúni-aq Bozjyraǵa saıahattap kel­gen fransýzdyq veloshabandozdar shoǵyry «Bozjyra» vızıt-ortalyǵynyń alǵashqy irgetasyn qalaý rásimine kýá boldy. Mańǵystaý meımandary óńirdiń kórikti tabıǵatyn tamashalaýǵa kele­tin týrısterge qolaıly jaǵdaı jasalyp jat­qanyna qýanyshty yqylasyn jetkizip, bastamaǵa sáttilik tiledi.

Týrısterdiń top basshysy fransýz velo­saıahatshysy, kınorejısser Sedrık Tassan – buǵan deıin Ortalyq Azııa elde­rinde birneshe márte bolǵan kánigi saıahatshy. Ol úsh jyl buryn Mańǵystaý dalasyn jalǵyz ózi velosıpedpen júrip ótken eken. Sol sapardan alǵan erekshe áserin óz dostaryna jetkizip, tańǵajaıyp sulý­lyqty kózben kórý úshin bıyl dostaryn Mańǵystaýǵa bastap kelipti. Al óńirge alǵash kelgen Sedrıktiń saıahatshy dostary Mań­ǵystaýdyń tamasha tabıǵatyna, Boz­jyra shatqalynyń qaıtalanbas kelbe­tine erekshe tańdanystaryn qýana jetkizdi.

Mańǵystaýda dalalyq jerlerge vızıt-or­­talyqtardyń sa­lynýy – saıa­hat­shy­lar úshin qýanyshty jańalyq, bul oqıǵany kór­gen-bilgen, kýá bolǵan olar elderine ba­ryp dostaryna jar sala aıtyp, tobyn kó­beıtip taǵy qy­dyryp keleri anyq. Al vızıt-or­talyqtarda týrıs­terge servıstik qyz­met kórse­tip, taǵam túr­lerin satyp tabys tabatyn jergilikti turǵyn­dar úshin ju­mys kózderi de ashylady dep kú­te­miz.

Mańǵystaý oblysy