Kolledj dırektory Shaǵangúl Janaevanyń aıtýynsha, bul sýret oqý ornynyń qorynda saqtalyp qalǵan. Bul sekildi taǵy basqa zerttelmegen qundy muralar bar. О́kinishke qaraı, keńes zamanynda kóp dúnıeniń kózi joıylǵan. Biraq qazirgi qolda bar dúnıelerdi zerttep, ǵylymı aınalymǵa engizse az olja bolmas edi.
Tarıhı sýrette Qazaqstan arheologııa ǵylymynyń negizin salýshy, ǵylymnyń kóptegen salasy: etnografııa, tarıh, shyǵystaný, ádebıettaný, ónertaný boıynsha kórnekti qaıratker, fılologııa ǵylymdarynyń doktory, professor, Qazaq KSR ǴA akademıgi Álkeı Marǵulan, pýblısıst, dramatýrg, aýdarmashy, tarıh ǵylymdarynyń doktory, professor Musataı Aqynjanov bar.
Al oqytýshylarǵa kelsek, onda Semeıdiń qazaq pedagogıkalyq tehnıkýmynyń dırektory, burynǵy Muǵalimder semınarııasynyń túlegi, aǵartýshy-pedagog, Alash qaıratkeri Ábikeı Sátbaev, Lenıngrad memlekettik ýnıversıtetiniń fılologııa fakýltetiniń stýdenti (1923–1928), áıgili jazýshy Muhtar Áýezov, ǵulama ǵalym Qanysh Sátbaevtyń bolashaq jary Taısııa Alekseevna Koshkına, Semeı qazaq teatrynyń negizin qalaǵan, Semeıdiń qazaq pedagogıkalyq tehnıkýmynda uzaq jyldar qazaq tili men ádebıeti páninen sabaq bergen Ǵalıaqpar Tórebaev, pedagog-ǵalym, Y.Altynsarın atyndyǵy ǵylymı zertteý ınstıtýtynyń dırektory Ámirjan Sydyqov beınesi saqtalǵan. Sonymen qatar Reseı ýnıversıtetteri men ınstıtýttaryn bitirgen oqytýshylar E.G.Mertvesov, S.G.Sırotkın, I.F.Vınohodov, E.G.Gerasımov bar.
Bul naqty aty-jóni anyqtalǵan tulǵalar ǵana. Qarap tursańyz, túlekterdiń qatarynda eki Aımanovtyń esimi kórsetilgen. Qyzyǵy, bul tarıhı bilim ordasynda ataqty kınorejısser Sháken Aımanov ta bilim alǵany belgili. Atalǵan eki Aımanovtyń Sháken Aımanovqa týystyǵy bolýy múmkin degen de pikir bar. О́ıtkeni Semeıdegi muǵalimder semınarııasynda Baıanaýyldan baryp oqyǵan tulǵalardyń qatary kóp.
Abaı oblysy
